Qiymət baxımından daha sərfəli olsa da, ikinci əl nəqliyyat vasitələrinin alınmasında bir sıra risklər mövcuddur.

BAKU.WS xəbər verir ki, mütəxəssislər potensial alıcılara xəbərdarlıq edirlər: ehtiyatlı olmaq və avtomobili almadan öncə bir neçə vacib amili diqqətlə yoxlamaq vacibdir.

Texniki baxış ilk növbədə mühərrik, sürətlər qutusu, asqı sistemi və əyləc sistemini əhatə etməlidir. Avtomobili almazdan öncə onu peşəkar ustaya göstərmək tövsiyə olunur. Çünki avtomobilin zahiri təmiz və problemsiz görünsə də, daxildə ciddi nasazlıqlar ola bilər.

Mütəxəssislər bildirirlər ki, avtomobilin əvvəlki qəzalarda iştirakı olub-olmaması çox önəmlidir. Bu məlumatı rəsmi servis qeydlərindən və ya VIN kod vasitəsilə əldə etmək mümkündür. Əgər avtomobilin hava yastıqları açılıbsa və sonradan dəyişdirilibsə, bu təhlükəsizlik baxımından ciddi risk yarada bilər.

Avtomobilin texniki pasportu, notarial alqı-satqı müqaviləsi və digər hüquqi sənədlər tam və düzgün olmalıdır. Həmçinin avtomobilin girovda və ya qadağa altında olub-olmaması da yoxlanılmalıdır. Bunun üçün rəsmi dövlət portallarından istifadə etmək mümkündür.

Bəzi satıcılar avtomobilin kilometrajını azaltmaqla daha az istifadə olunmuş təəssüratı yaratmağa çalışırlar. Mütəxəssislər alıcılara bu kimi halların qarşısını almaq üçün kompüter diaqnostikası etdirməyi tövsiyə edir.

Avtomobili almadan öncə test sürüşü etmək, sükan, əyləc, sürət qutusu və digər əsas funksiyaların yerində işlədiyindən əmin olmaq vacibdir.

Eyni model və il üzrə digər oxşar avtomobillərlə müqayisə aparmaqla satıcının istədiyi qiymətin real olub-olmamasını müəyyənləşdirmək mümkündür. Bu həm alıcının qiymətdə düzgün razılaşmasına, həm də mümkün aldanmaların qarşısını almağa kömək edir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyev XII Qlobal Bakı Forumunun açılış mərasimində çıxış edib