Son illər D vitamininin yalnız sümük sağlamlığı üçün deyil, həm də psixoloji vəziyyətə ciddi təsir göstərdiyinə dair elmi araşdırmalar artmaqdadır. Xüsusilə depressiya ilə D vitamini çatışmazlığı arasında əlaqə bir çox tədqiqatın əsas mövzusudur.

Far.Az xəbər verir ki, Harvard Tibb Məktəbinin yaydığı məlumata görə, D vitamini beynin bəzi sahələrində – xüsusilə emosional tənzimləmə ilə əlaqəli bölgələrdə təsir göstərir. D vitamini reseptorları hipokampus və prefrontal korteksdə yerləşdiyindən, bu maddənin çatışmazlığı əvvəlcə əhval-ruhiyyəyə mənfi təsir edir.

Mayo Clinic-in məlumatına əsasən, D vitamini çatışmazlığı olan insanlarda depressiya riski 2-3 dəfə artır. Bu vəziyyət xüsusilə qış aylarında, günəş işığının az olduğu bölgələrdə yaşayan insanlarda daha çox müşahidə olunur.

Finlandiyada aparılan genişmiqyaslı bir araşdırma (2018) nəticəsində məlum olub ki, düşük D vitamini səviyyəsi olan şəxslərdə depressiv simptomlar daha güclü şəkildə özünü göstərir. Tədqiqatda 2 mindən çox iştirakçı araşdırılıb və D vitamini ilə əhval arasında statistik əhəmiyyətli əlaqə qeydə alınıb.

National Institutes of Health (NIH) bildirir ki, D vitamini əlavələrinin qəbulu bəzi hallarda yüngül və orta dərəcəli depressiya simptomlarını azalda bilər, lakin bu, hər insanda eyni təsiri göstərmir. Tədqiqatçılar vurğulayır ki, bu vitamin terapiya və dərman müalicəsinin əvəzi deyil, lakin köməkçi vasitə kimi effektiv ola bilər.

Kimlər risk altındadır?

• Günəş şüası az qəbul edənlər (ofis işçiləri, evdə çox qalanlar)

• Dəri rəngi daha tünd olan insanlar

• Qidalanmasında D vitamini zəif olan şəxslər

• Hamilə qadınlar və yaşlılar

Həkimlər D vitamini səviyyəsinin qan analizi ilə yoxlanılmasını və çatışmazlıq olduğu halda doza və müddəti həkim təyinatı ilə təyin edilmiş əlavələrin qəbul edilməsini tövsiyə edirlər. Qida rasionunda balıq, yumurta sarısı, D vitamini ilə zənginləşdirilmiş süd məhsullarına yer verilməlidir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

"Elmi Nəşrlər" Azərbaycanda: əməkdaşlığın genişləndirilməsi və alimlərin dəstəyi

Həkim D vitamininin funksiyalarından danışdı - Görün nələrə səbəb olur…