Ötən gün Dağıstanda baş verən kütləvi zəhərlənmə hadisəsi içməli su ilə bağlı narahatlıqları artırıb. Qonşu regionla ortaq su resursu olan Samurçayın Azərbaycan üçün strateji əhəmiyyət daşıması bu məsələni daha da aktuallaşdırır. Xüsusilə kənd təsərrüfatı və sərhədyanı ərazilərin su təminatı baxımından bu çayın önəmi böyükdür.

Məsələ ilə bağlı Azərbaycan Dövlət Su Ehtiyatları Agentliyi (ADSEA) BAKU.WS-in sorğusuna cavab olaraq bildirib ki, Dağıstanda baş verən zəhərlənmə hadisəsi həmin ölkənin daxili su təchizatı sistemi ilə əlaqəlidir:

"Kanalizasiya sularının içməli su şəbəkəsinə qarışması nəticəsində insident qeydə alınıb. Sözügedən hadisə toksikoloji yox, məhz bakterioloji yoluxma nəticəsində baş verib və lokal xarakter daşıyır. Bu halın nə xam suya, nə də Samurçay su mənbəyinə heç bir aidiyyəti yoxdur."

Qurum əlavə edib ki, Azərbaycanda su təhlükəsizliyi ilə bağlı nəzarət tədbirləri gücləndirilib. Gündəlik olaraq Mərkəzi Laboratoriyada həm Bakı şəhərinin mərkəzi su anbarlarından, həm də məhəllədaxili anbarlardan götürülən nümunələr üzərində analizlər aparılır:

"Həm bakterioloji, həm də fiziki-kimyəvi göstəricilər üzrə mütəmadi təhlillər həyata keçirilir."

Beləliklə, Dağıstandakı sudan zəhərlənmə hadisəsinin Azərbaycana, xüsusilə Samurçay vasitəsilə ötürülən suya təsir etmədiyi və vəziyyətin tam nəzarət altında olduğu bildirilir.

Şahanə Xankişiyeva

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib