Şimali Makedoniyanın energetika naziri: Regionda heç bir ölkə enerji təhlükəsizliyini təkbaşına qura bilməz
"Regionda heç bir ölkə enerji təhlükəsizliyini təkbaşına qura bilməz".
"Report"un Balkan bürosu xəbər verir ki, bunu Şimali Makedoniyanın energetika, mədən sənayesi və mineral ehtiyatlar naziri Sanya Bojinovska Afinada, keçirilən Enerji Keçidi Sammitində deyib.
Nazir bildirib ki, ölkəsi Avropanın enerji inteqrasiyasında etibarlı tərəfdaş olmağa sadiqdir: "Biz konstruktiv regional tərəfdaş, Avropanın enerji inteqrasiyasında etibarlı iştirakçı, Cənub-Şərqi Avropanın daha sabit, təhlükəsiz və dayanıqlı inkişafına töhfə verən ölkə olmağa sadiqik".
Sanya Bojinovskanın sözlərinə görə, son bir neçə ildə çox aydın şəkildə məlum olub ki, regionda heç bir ölkə enerji təhlükəsizliyini təkbaşına qura bilməz və heç bir keçid təhlükəsiz, qiymət baxımından əlçatan və investisiyalar üçün uyğun olmadıqca uğurlu ola bilməz:
"Ölkəm üçün bu, enerji təhlükəsizliyi, iqtisadi rəqabət qabiliyyəti və sosial sabitlik məsələsidir. Buna görə də bizim üçün 2030-cu il hədəflərinə nail olmaq üç məna daşıyır: təhlükəsizlik infrastrukturu kimi regional interkonnektorların qurulması, bərpa olunan enerji mənbələrinin şəbəkələr vasitəsilə inteqrasiyası, həmçinin keçidin əlçatan, sosial baxımdan ədalətli və investisiyalar üçün cəlbedici saxlanılması".
Nazir ölkəsinin energetika sahəsində əldə etdiyi nailiyyətləri sadalayaraq vurğulayıb ki, hazırda məqsəd ölkənin coğrafi mövqeyini üstünlüyə çevirməkdir:
"Yunanıstanla qaz interkonnektoru bunun əsas nümunəsidir. İlkin mərhələdə illik 1,2 milyard kubmetr ötürmə gücünə malik olan və 2,8 milyard kubmetrə qədər genişləndirilə bilən bu layihə ölkəmizin enerji sistemindəki mövqeyini dəyişir və bizi regional dəhlizin bir hissəsinə çevirir. Bu ona görə vacibdir ki, bu gün diversifikasiya yalnız daha çox təchizatçı demək deyil. Bu, daha çox marşrut, daha böyük çeviklik və daha yüksək dayanıqlılıq deməkdir".
Onun sözlərinə görə, Yunanıstanla əlaqə vasitəsilə Şimali Makedoniya regional qaz axınlarına, o cümlədən mayeləşdirilmiş təbii qaz infrastrukturuna çıxışını gücləndirir.
Oxşar xəbərlər
Prezident İlham Əliyev "AZWOOL" mineral daş yunu zavodunun açılışında iştirak edib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Rumıniyada güclü zəlzələ baş verib
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Rumıniyada güclü zəlzələ baş verib.
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
General Natiq Əliyevin qızı ilə bağlı qərar verildi
-
Paşinyan: Ümumi istifadədə olan çaylardan birgə yararlanmaq qaydalarının Azərbaycanla müzakirəsi vacibdir













