Daxili İşlər Nazirliyinin (DİN) Baş Narkotiklərlə Mübarizə İdarəsinin əməkdaşlarının narkotik vasitələrin qanunsuz dövriyyəsinin qarşısının alınması istiqamətində mübarizəsi davam edir.

Nazirliyin mətbuat xidmətindən BAKU.WS-ə verilən məlumata görə, bu məqsədlə Sumqayıt şəhərində keçirilən əməliyyat zamanı narkoşəbəkənin qabaqcadan əlbir olan daha iki üzvü - İbrahim Əliyev və Elçin Hüseynov saxlanılıblar. Onların idarə etdikləri avtomobildən 67 kiloqram 290 qram tərkibinə zərərli maddələr əlavə edilmiş marixuana aşkarlanıb.

Şəxsiyyəti istintaqla araşdırılan İran vətəndaşı ilə cinayət əlaqəsinə girdiklərini etiraf edən İ. Əliyev və E. Hüseynov narkotik vasitələri Abşeron rayonu ərazisindən əvvəlcədən razılaşdıqları yerdən götürüb, maddi gəlir qazanmaq üçün satışını təşkil etməyi planlaşdırıblar.

Faktla bağlı cinayət işi başlanılıb, hər iki şəxs barəsində məhkəmənin qərarı ilə həbs qətimkan tədbiri seçilib.

Onların daxil olduqları narkoşəbəkənin digər üzvlərinin də ifşa edilərək, məsuliyyətə cəlb olunmaları üçün əməliyyatlar davam etdirilir.

Oxşar xəbərlər

Prezident İlham Əliyev Əfv Sərəncamı imzalayıb

Sumqayıtda iki nəfər saxlanılıb, 67 kq narkotik dövriyyədən çıxarılıb

Kəngərlidə narkotik vasitələr və psixotrop maddələr məhv edilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2