Xırdalan şəhərində həyat yoldaşı Sevinc Əhmədağayevanın başını kəsərək qətlə yetirməkdə şübhəli bilinən Laçın Əhmədağayevin məhkəməsi başlayıb.

APA xəbər verir ki, Sumqayıt Ağır Cinayətlər Məhkəməsində hakim Elçin Məmmədovun sədrliyi ilə keçirilən hazırlıq iclasında təqsirləndirilən şəxsin anket məlumatları dəqiqləşdirilib.

Məhkəmənin baxış icası avqustun 30-na təyin olunub.

Qeyd edək ki, hadisə bu ilin aprel ayında Xırdalan şəhərində baş verib. 1974-cü il təvəllüdlü Laçın Əhmədağayev münaqişə zəminində 1976-cı il təvəllüdlü arvadı Sevinc Əhmədağayevanın başını kəsərək qətlə yetirməkdə ittiham olunur.

Hadisənin ailənin 3 yaşlı qızının gözü önündə baş verdiyi bildirilir.

Abşeron rayon prokurorluğunda araşdırma zamanı Laçın Əhmədağayevin yaşadıqları evdə arvadı Sevinc Əhmədağayevaya bıçaqla xəsarətlər yetirərək qəsdən öldürməsinə əsaslı şübhələr müəyyən edilib.

Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, Laçın Əhmədağayev prokurorluğun qərarı ilə iş üzrə şübhəli şəxs qismində saxlanılaraq istintaqa təhvil verilib.

Oxşar xəbərlər

Mingəçevirdə qadının oğlu tərəfindən qətlə yetirilməsinin DETALLARI - YENİLƏNİB

Mingəçevirdə 21 yaşlı oğlan anasını öldürməkdə şübhəli bilinərək saxlanılıb

Bakıda kişi arvadını öldürməkdə şübhəli bilinir

Bakıda ərinin bıçaqladığı qadın iki gün sonra ölüb, cinayət işi başlanılıb - YENİLƏNİB

Bakıda tələbə qətlə yetirildi - Amansız cinayətdən GÖRÜNTÜLƏR - FOTO