İpoteka imkanlarının artması, eləcə də kirayə mənzillərə tələbatın yüksəlməsi fonunda daşınmaz əmlak bazarında qiymət artımı müşahidə olunur.

Bu barədə əmlak eksperti Vüqar Oruc Far.Az-ə açıqlamasında bildirib.

O bildirib ki, bazarda artım tendensiyası artıq qeydə alınıb və ilin sonuna qədər bu, daha da sürətlənə bilər:

"Yeni tikililərdə qiymətlər ötən illə müqayisədə 15.9%, köhnə tikililərdə 12.2% bahalaşıb. Bu, artımın davamlı olduğunu göstərir. İlin sonuna qədər 20 faizə yaxın ümumi qiymət artımı gözlənilir."

Ekspert əlavə edib ki, təkcə mənzillər deyil, torpaq sahələri və qeyri-yaşayış obyektlərində də qiymətlər yüksəlir. Son bir ayda:

-torpaqlar 3.2%,

-qeyri-yaşayış obyektləri 1.7%,

-fərdi evlər 2.4%,

-köhnə tikililər isə 1.4% bahalaşıb.

Orucun fikrincə, bu artımın davam etməsi üçün əsaslı səbəblər var və yalnız fors-major hallar prosesi ləngidə bilər.

Şahanə Xankişiyeva

Oxşar xəbərlər

Kirayə bazarında qiymətlər düşəcək? - Səbəblər və real vəziyyət

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda aparılan söküntü işləri əmlakın satışına və kirayə qiymətlərinə necə təsir edəcək?

Azərbaycanın daşınmaz əmlak bazarındakı bahalaşma səngiyəcəkmi?

Bünövrədən, yoxsa hazır binadan: hansı mənzilləri almaq daha sərfəlidir?