Azərbaycan çempionu "Qarabağ" növbəti beynəlxalq uğuru ilə yadda qalıb. Komanda UEFA-nın klub reytinqində 4 pillə yüksələrək 65-ci yerə qalxıb.

BAKU.WS-in məlumatına görə, bu irəliləyiş, Ağdam klubunun UEFA Çempionlar Liqasının 2-ci təsnifat mərhələsində İrlandiyanın "Şelburn" komandası üzərində əldə etdiyi iki ardıcıl qələbə (3:0 və 1:0) nəticəsində baş verib.

Baş məşqçi Qurban Qurbanovun yetirmələri bu nəticə ilə həm 3-cü mərhələyə vəsiqə qazanıb, həm də UEFA reytinq xallarını artıraraq, 2024/25 mövsümünü başa vurduğu 69-cu yerdən 4 pillə yuxarı qalxıb.

Qeyd edək ki, UEFA-nın klub reytinqi son 5 mövsümün nəticələrinə əsasən hesablanır.

Eyni zamanda, "Qarabağ"ın bu uğuru Azərbaycanın ümumi UEFA reytinqinə də təsir göstərib. Belə ki, ölkəmiz 29-cu yerdən 28-ci pilləyə yüksəlib.

Xatırladaq ki, siyahıya "Real Madrid" klubu başçılıq edir. İlk üçlükdə "Bavariya" və "İnter Milan" klubları yer alır. 

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycanın kredit reytinqi: ədalətli qiymətləndirmənin vaxtı gəlib?

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

"Qarabağ"ın Avrokuboklardakı böyükhesablı qələbələri