Avqustun 1-də yayımlanan "Besoqon TV"nin növbəti buraxılışında tanınmış rejissor Nikita Mixalkov Azərbaycana qarşı açıq təbliğat aparıb.

Əvvəllər azərbaycanlı yazıçı və ssenarist Rüstəm İbrahimbəyovla bir neçə layihədə əməkdaşlıq etmiş Mixalkov son illərdə Kremlin ideoloji təbliğatına xidmət edən əsas fiqurlardan birinə çevrilib.

Budəfəki verilişində o, Azərbaycanı "nankor" eks-sovet respublikası kimi təqdim edib və ölkəyə qarşı bir sıra yalan və təhrif olunmuş iddialar səsləndirib.

Proqramda AZAL-a məxsus mülki təyyarəni Rusiyanın vurması və Yekaterinburqda azərbaycanlılara qarşı zorakılıq hallarına baxmayaraq, rəsmi Moskvanın bu məsələlərdə məsuliyyəti üzərinə götürmədiyi qeyd olunub. Həmçinin N.Mixalkovun verilişində Azərbaycan Prezidentinə qarşı təhqiramiz ifadələr işlədilib və Şuşa Media Forumu ilə bağlı təqdim edilən məlumatlar kontekstdən çıxarılıb.

Bütün bunlara baxmayaraq, Rusiya mediasının açıq ermənipərəst mövqeyi fonunda Azərbaycan tərəfi təmkin nümayiş etdirib. Təyyarə insidentinə görə Azərbaycan tərəfindən bütün diplomatik və hüquqi prosedurlar yerinə yetirildiyi halda Rusiyada məsul şəxslər nəinki cəzalandırılmayıb, əksinə, mükafatlandırılıb və baş verənlər gizlədilməyə çalışılıb.

N.Mixalkovun bu çıxışı Kremlin informasiya siyasəti və azərbaycanofobiyanın sistemli şəkildə təşviqi fonunda iki ölkə arasında münasibətlərin daha da gərginləşdiyini göstərir.

Ətraflı Baku TV-nin süjetində:

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib