Bakıda qohumunu qətlə yetirməkdə təqsirləndirilən görmə məhdudiyyətli Qulu Abbasovun cinayət işi üzrə Bakı Ağır Cinayətlər Məhkəməsinin qərarı qüvvədə saxlanılıb.

BAKU.WS Oxu.Az-a istinadən xəbər verir ki, bununla bağlı yekun qərar Bakı Apellyasiya Məhkəməsində qəbul olunub.

Təqsirləndirilən onun haqqında Bakı Ağır Cinayətlər Məhkəməsinin hakimi Vüqar Seyidovun sədrliyi ilə keçirilən yekun prosesdə 15 il azadlıqdan məhrum edilməsi ilə bağlı qərardan apellyasiya şikayəti versə də, bu məhkəmə birinci instansiyanın qərarını qüvvədə saxlayıb.

Qeyd edək ki, hadisə ötən ilin iyununda Qaradağ rayonunun ərazisində baş verib.

Qulu Abbasov qohumu Xanlar Əmirovu, onu təhqir etdiyi üçün bıçaqla qətlə yetirməkdə şübhəli bilinərək saxlanılıb. Onun barəsində cinayət məcəlləsinin qəsdən adam öldürmə maddəsi ilə cinayət işi açılaraq ittiham irəli sürülüb.

Xatırladaq ki, Bakı Ağır Cinayətlər Məhkəməsində prokuror Qulu Abbasovun 17 il azadlıqdan məhrum olunmasını təklif etsə də, məhkəmə onu 15 il azadlıqdan məhrum edib.

Oxşar xəbərlər

Prezident İlham Əliyev Əfv Sərəncamı imzalayıb

Bir sıra məhkəmələrə hakimlər təyin edilib - SƏRƏNCAM

Ağır cinayətlərdə təqsirləndirilən erməniəsilli şəxslərin məhkəməsi davam etdirilib - YENİLƏNİB

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2