Yay aylarında qarpız süfrələrin əvəzolunmaz meyvələrindən biridir. Lakin bəzən bu ləzzətli meyvə sağlamlıq üçün təhlükəyə çevrilə bilər. Ekspertlər bildirir ki, bəzi qarpızlar süni şəkildə, yüksək miqdarda nitratlarla yetişdirilir.

Far.Az xəbər verir ki, rusiyalı terapevt həkim Diana Qlistenkova bu meyvənin xarici və daxili görünüşünə əsasən keyfiyyətini necə müəyyən etməyi açıqlayıb.

Nitratlı qarpızları necə tanımalı?

Qarpızın nitratla yetişdirilib-yetişdirilmədiyini təyin etməyin bir neçə sadə üsulu var:

Simmetrik forma - Keyfiyyətli qarpız dairəvi və ya oval formada olur. Göyərmiş, çatlamış, nahamar səthə malik meyvələrdən uzaq durun.

Qabığın görünüşü - Qabıq bütöv, təmiz və zədəsiz olmalıdır. Əgər qarpızın səthi həddindən artıq parlaq və süni şəkildə bərq vurursa, bu, artıq nitratın əlamətidir.

Rəng və naxışlar - Yaxşı qarpızın üzərində açıq və qaranlıq zolaqlar aydın şəkildə seçilməlidir. Bundan əlavə, "torpaq ləkəsi" adlanan sarı sahənin olması da vacibdir - bu, onun günəş altında təbii yetişdiyini göstərir.

Qarpızın içi də xəbər verir

Kəsilmiş qarpızda da bəzi əlamətlərə diqqət yetirmək lazımdır:

Məxməri parıltı və dənəcikli quruluş - Bu, meyvənin yetişkən və dadlı olduğunu göstərir.

Əgər rəng çox tünd, qeyri-təbii qırmızıdırsa, bu, nitratların yüksək olduğunu göstərə bilər.

Qarpız alarkən sadə müşahidələrlə keyfiyyətini yoxlamaq mümkündür. Yuxarıda sadalanan əlamətlərə diqqət etməklə həm özünüzü, həm də yaxınlarınızı zəhərlənmədən və sağlamlıq risklərindən qorumuş olarsınız.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Ev şəraitində baş verən zəhərlənmə və 162 şübhəli müraciət: Yayda nədən uzaq durmalıyıq?

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Meyvə alarkən bunlara diqqət et – Sağlamlıq üçün vacib məqamlar