"İdmanda nə baş verir?" podkastının növbəti buraxılışı yayımlanıb.

Bu dəfə verilişin qonağı MMA üzrə tanınmış mütəxəssis Şiraslan Kərimov olub. Buraxılışda orta çəkidə UFC-nin yeni çempionu Hamzat Çimayevin Drikus Dyu Plessiyə qarşı son döyüşü müzakirə olunub, həmçinin UFC-dəki yeniliklər barədə fikir mübadiləsi aparılıb.

Şiraslan Kərimovun sözlərinə görə, Hamzat Çimayev-Drikus Dyu Plessi görüşü göstərdi ki, Cənubi Afrikadan olan idmançılar güləşə tam hazır deyillər:

"Mən döyüşdən əvvəl də demişdim ki, Hamzat Çimayev sırf güləşə əsaslanaraq qazanacaq. Çünki Drikus Dyu Plessi hələ Qafqaz güləşinin mahiyyətini anlamır. Hamzat ayağa qalxmaqdan çəkinmir və hər an rəqibini parterə yıxmağa çalışır. O, çox ağıllı və perspektivli döyüşçüdür. Eyni zamanda komandası taktikanı düzgün seçir. Mən bu çəki dərəcəsində H.Çimayev üçün rəqib görmürəm".

O həmçinin Qafqaz regionunu təmsil edən digər döyüşçü - İslam Maxaçevdən də danışıb:

"İslam Hamzat Çimayev və Həbib kimi birtərəfli döyüşçü deyil. Onun bütün döyüşləri həm ayaqda, həm də parter vəziyyətində keçir. Çox maraqlı, hərtərəfli idmançıdır. Axırıncı döyüşünə baxanda sevinirdim ki, belə bir döyüşçü var. Alnından ağır zədə almasına baxmayaraq, qabağa gedirdi və mübarizə aparırdı".

Ətraflı Baku TV-nin süjetində:

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Prezident İlham Əliyev XII Qlobal Bakı Forumunun açılış mərasimində çıxış edib