Yaxın günlərdə Rusiyanın Avropa hissəsinin cənubunda həddindən artıq istilər gözlənilir.

BAKU.WS xəbər verir ki, bunu Rusiya Federasiyasının Hidrometeorologiya Mərkəzinin elmi direktoru Roman Vilfand Tass-a açıqlamasında bildirib.

Sinoptikin məlumatına görə, çərşənbə axşamı və çərşənbə günü, sentyabrın 2-si və 3-ü Kubanda hava isti olacaq. Meteoroloqun sözlərinə görə, Krasnodar diyarında termometr +39 dərəcəyə çatacaq. Qonşu Stavropolda hava daha da isinəcək, 40 dərəcəyədək isti olacaq. Vilfandın sözlərinə görə, regionlarda belə istilərə hava kütlələrinin şimal tropiklərindən Rusiyanın cənubuna doğru hərəkəti səbəb olub.

Sentyabr ayı ölkənin Avropa hissəsinin demək olar ki, bütün ərazisində Urala qədər isti olacaq. Şimal-Qərb, Mərkəzi, Cənub, Şimali Qafqaz və Volqa federal dairələrində payızın əvvəlində temperaturun uzunmüddətli iqlim normasından artıq olacağı gözlənilir. Şimal Sibir və Krasnoyarsk diyarında da göstəricilər normadan yuxarı qalxacaq. Digər rayonlarda isə temperatur əsasən normaya uyğun olacaq, bir qədər müsbət kənarlaşma müşahidə olunacaq.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Allahverdi Əsədov: Qarabağ müharibəsindən çəkdiyim kasetlər məhv olmaq üzrədir, yiyə duran yoxdur - MÜSAHİBƏ