Azərbaycan Dövlət Neft Şirkətinin (SOCAR) “Azəriqaz” İstehsalat Birliyi Xankəndi şəhərindəki təbii qaz təchizatı infrastrukturunda bərpa və quruculuq işləri həyata keçirməyə başlayıb.

“Far.Az” bu barədə “Azəriqaz”a istinadən xəbər verir.

Məlumata görə, 44 günlük Vətən müharibəsindən sonra işğaldan azad olunan bütün ərazilərdə əsaslı quruculuq işləri davam edir. “Azəriqaz” da infrastrukturun yenidən qurulması istiqamətində bir sıra lazımi işləri həyata keçirir.

Qarabağ Regional Qaz İstismarı İdarəsinin Xankəndi xidmət sahəsi üzrə rəis müavini Vasif Məsimovun sözlərinə görə, artıq ümumilikdə 41 min metr yeraltı qaz kəmərləri təsbit edilib: “Quruculuq və abadlıq işləri ilə əlaqədar olaraq qaz veriləcək binaların təbii qazla təchiz edilməsi üçün və qaz kəmərlərinin kipliyə sınaq işləri davam etdirilir”.

O qeyd edib ki, antiterror əməliyyatları zamanı zədələnmiş qaz kəmərlərinin zədələnmiş hissələri gələcəkdə baş verə biləcək bədbəxt hadisələrin qarşısını almaq üçün qaynaq vasitəsilə bağlanıb.

Oxşar xəbərlər

“Azəriqaz” Xankəndidə qaz təchizatı infrastrukturunu bərpa edir - VİDEO

Toyota Prius: Hibrid Avtomobillərin atası

Azərbaycan Sərhəd Mühafizəsinin yaranmasından 105 il ötür

Azərbaycanla şərti sərhədə artilleriya qurğuları yığan Ermənistana XƏBƏRDARLIQ

Azərbaycan və Rusiya prezidentləri mətbuata bəyanatlarla çıxış ediblər - YENİLƏNİB-1