Ali Məhkəmədə dələduzluqda təqsirləndirilən Lamiyə Məmmədovanın barəsindəki qərardan verilən kassasiya şikayəti üzrə məhkəmə iclası başa çatıb.

BAKU.WS Pravda.az-a istinadən xəbər verir ki, hakim Teyyub Muxtarovun sədrliyi ilə keçirilən prosesdə qərar elan olunub.

Qərara əsasən, zərərçəkmişin kassasiya şikayəti təmin edilməyib.

İttiham aktına görə, Lamiyə Məmmədova 2014-2022-ci illər ərzində müxtəlif şəxsləri aldatmaq və etibardan sui-istifadə etmə yolu ilə onların əmlaklarını ələ keçirməklə dələduzluq edib. O özünü hüquq müdafiəçisi kimi təqdim edərək, zərərçəkmiş şəxslərə müxtəlif vədlər verib - kreditlərin ödənilməsini təmin etmək, gecikmiş ödənişləri silmək, məhkəmə və apellyasiya proseslərində onları təmsil etmək, təqaüdlərin bərpası və artırılması və s. Bu yalan vədlərlə Lamiyə zərərçəkmişlərdən hissə-hissə pul alaraq ümumilikdə 204 314 manat maddi ziyan vurub.

Bakı Ağır Cinayətlər Məhkəməsinin hökmü ilə Lamiyə Məmmədova 5 il 6 ay müddətinə azadlıqdan məhrum edilib. Təqsirləndirilən şəxs və zərərçəkmiş apellyasiya şikayətləri veriblər. Lakin Bakı Apellyasiya Məhkəməsinin qərarı ilə apellyasiya şikayətləri təmin edilməyib.

Oxşar xəbərlər

Qaradağlı faciəsi ilə bağlı sənədlər məhkəmədə tədqiq olunub

Ağır cinayətlərdə təqsirləndirilən erməniəsilli şəxslərin məhkəməsi davam etdirilib - YENİLƏNİB

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Əfv Sərəncamı imzalayıb