WBC-in yüngül çəkidə çempionu, ABŞ-də doğulmuş meksika əsilli boksçu David Benavides qalmaqallı açıqlaması ilə gündəmə gəlib.

Far.Az xəbər verir ki, çempion statusunu qoruyan Benavides bildirib ki, məşhur meksikalı ulduz Saul "Kanelo" Alvares ondan qaçır və onunla rinqə çıxmaqdan çəkinir.

Benavides sözlərində açıq şəkildə Kanelonu hədəfə alaraq deyib: "O, mənimlə döyüşməkdən qorxur. Əgər bu qədər danışırsansa, rinqə çıx və sübut elə ki, məndən güclüsən. Amma Kanelo iri və güclü rəqiblərlə bacara bilmir. Bivol qarşısında aciz qaldı, mən isə ondan da təhlükəliyəm. Mənim sürətim, gücüm və cəsarətim var – bunları o dayandıra bilməz".

Gənc çempion əlavə edib ki, onun əsas məqsədi dünya qarşısında özünü sübut etməkdir: "Mən dünyanın ən güclüsü olduğumu göstərmək istəyirəm. Heç bir güclü rəqibdən qorxmuram. Əksinə, belə döyüşlər mənim motivasiyamı artırır".

Ekspertlərin fikrincə, Benavides–"Kanelo" qarşıdurması boks azarkeşlərinin ən çox arzuladığı döyüşlərdən biridir. Çünki "Kanelo" uzun illərdir ki, həm orta, həm də yüngül çəki dərəcələrində dominant fiqur hesab olunur. Digər tərəfdən, Benavidesin hələ də məğlubiyyət görməməsi və gəncliyin verdiyi dinamizmlə döyüşməsi bu qarşılaşmaya xüsusi maraq qatır.

Hal-hazırda tərəflər arasında rəsmi danışıqlar aparılmasa da, Benavidesin bu iddiaları "Kanelo"ya təzyiq kimi qiymətləndirilir. İdman ekspertləri ehtimal edirlər ki, böyük maraq doğuracaq belə bir qarşılaşma yaxın aylarda reallaşa bilər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Alvares boks üzrə üç dünya çempionu titulunu qoruyub

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev XII Qlobal Bakı Forumunun açılış mərasimində çıxış edib