Azərbaycan millisinin baş məşqçi məsələsi hər zaman futbol ictimaiyyətinin diqqət mərkəzində olub.

BAKU.WS-in məlumatına görə, Fernandu Santuşun millidən kənarlaşdırılmasından sonra millinin nəticələri, oyun üslubu və qarşıdakı hədəfləri ilə bağlı müzakirələr aktivləşib.

Hazırkı mərhələdə ən çox verilən suallardan biri budur ki, milli komandanın sükanı arxasında kim olacaq? Ayxan Abbasovun postunda qalması, yoxsa yerli və ya xarici mütəxəssisin gətirilməsi ehtimalı futbol azarkeşləri arasında maraqlı müzakirə edilir.

Bu seçim təkcə bir məşqçi dəyişikliyi anlamına gəlmir – söhbət Azərbaycan futbolunun gələcək strategiyasından, gənclərin inkişaf etdirilməsindən və beynəlxalq arenada daha rəqabətqabiliyyətli bir komanda formalaşdırmaqdan gedir.

Mövzu ilə bağlı AFFA-nın Mətbuat və İctimaiyyətlə əlaqələr şöbəsinin rəhbəri Murad Axundov BAKU.WS-ə bildirib ki, baş məşqçi postu ilə hazırda müzakirələr və danışıqlar gedir: "Yaxın zamanda bununla bağlı ictimaiyyətə məlumat verəcəyik".

Qeyd edək ki, Ayxan Abbasovun rəhbərliyi altında Azərbaycan millisi öz meydanında Ukrayna yığması ilə 1-1 hesablı heç-heçə oynayıb.

Orxan Hüseyn

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Millinin yeni baş məşqçisi kim olacaq? - Ehtimal namizədlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib