Fransa beynəlxalq hüquqa qarşı çıxaraq öz işğal siyasətini davam etdirir.

“Far.Az” xəbər verir ki, bunu Qəmər Adaları İttifaqının rəsmisi Thabit Ahmed Bakı Təşəbbüs Qrupunun təşkilatçılığı ilə keçirilən "Qəmər Adaları İttifaqının Mayot adasının Fransa tərəfindən qeyri-qanuni işğalı" adlı konfransda “Qəmər adalarında Fransanın müstəmləkəçilik tarixinə baxış” mövzusunda çıxış edərkən deyib.

O qeyd edib ki, bu gün Fransa Qəmər adalarında öz müstəmləkə siyasətini davam etdirmək istəyir:

“Fransa bizim ərazimizdə dövlət çevrilişinə cəhd göstərib. Mayotdakı Fransa təmsilçiliyi ərazi bütövlüyünə təhdid yaradır. Fransa qeyri-qanuni şəkildə ərazidə müstəmləkə siyasətini davam etdirir”.

T.Ahmed vurğulayıb ki, ərazidə mövcud olan qaz və digər təbii ehtiyatlar Fransanın adaya marağını daha da artırıb, eyni zamanda, siyasi müdaxilələrinin güclənməsinə yol açıb:

“Bütün beynəlxalq qətnamələrə baxmayaraq, Fransa BMT Təhlükəsizlik Şurasının qərarlarına hörmətsizlik edir. Fransa hakimiyyəti özünün müstəmləkə siyasətini qanuniləşdirməyə çalışır".

Oxşar xəbərlər

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

BTQ-nin təşəbbüsü ilə keçirilən konfransda “Mayot mübarizəsi” adlı videomaterial nümayiş etdirilib

Müstəmləkəçiliyə qarşı əzmli mübarizə: Bakıda Boneyra adası ilə bağlı keçirilən tədbirin mahiyyəti - ŞƏRH

“COP29 üçün effektiv kommunikasiya strategiyaları” mövzusunda media seminarı keçirilib - YENİLƏNİB

Azərbaycan və Rusiya prezidentləri mətbuata bəyanatlarla çıxış ediblər - YENİLƏNİB-2