Məşhur futbolçudan Türkiyə futbolu və "Fənərbağça" ilə bağlı QALMALLI AÇIQLAMA
Uruqvay millisinin və "Fənərbağça"nın sabiq kapitanı Dieqo Luqano Türkiyə klubuna 1998–2018-ci illərdə rəhbərlik etmiş sabiq prezident Əziz Yıldırım haqqında fikirlərini bölüşüb.
Far.Az-in məlumatına görə, Dieqo Luqano Okko-da yayımlanan "DASH" proqramında qalamala səbəb olacaq açıqlamalar verib.
Müsahibədən olan bir hissəni təqdim edirik:
- Türkiyə liqası məşqçilərin tez-tez dəyişməsi ilə tanınır. Çox tez-tez. Bir il ərzində baş məşqçi 3–5 dəfə dəyişə bilər və bu normal qəbul olunur. Futbolçu kimi siz özünüzü necə hiss edirdiniz, bilə-bilə ki, istənilən an kluba yeni məşqçi gələ bilər?
- Böyük ehtiras və istəyin idarəçiliyə ziyanı dəyir. Türkiyədə insanlar tez-tez vacib qərarları emosiyalarla verirlər, rasional davranmırlar. Məncə, türk futbolunun inkişaf etməməsinin əsas səbəblərindən biri də budur. O, sadəcə bir səviyyədə ilişib qalıb, çünki insanlara ağıl yox, emosiyalar rəhbərlik edir.
Mən bu qüsuru çoxdan görmüşəm - bu, mədəniyyətin xüsusiyyətidir, ölkənin xüsusiyyətidir. Bu problemi nə mən, nə də siz həll edə bilərik. Məşqçilərin sürətlə dəyişməsi, futbolçularla da çox vaxt yaxşı rəftar edilməməsi vəziyyəti çətinləşdirir. Əgər emosiyalar ağılı üstələyirsə, vəziyyəti yaxşıya doğru dəyişmək həmişə çətin olur.
- Ümumiyyətlə, türk xalqının, təkcə azarkeşlərin, futbolçuların deyil, məşqçilərin, klub prezidentlərinin də hamısının futbola aludə olduğunu deyə bilərsinizmi?
- Bəli, mənim bu cür insanlarla böyük təcrübəm var. Məsələn, "Fənərbaxça"nın prezidenti. O, mənim üçün ümumiyyətlə bu "çılğınların siyahısı"na başçılıq edir. O, nəsə tamam başqa bir şeydir - inanılmaz bir obrazdır. Onunla bağlı o qədər lətifəm, xatirəm var ki, kitab yazmaq olar.
Bəli, Türkiyə futbolunda işləyən insanlar xüsusi adamlardır, çox emosionaldırlar. Amma açığını desəm, çox da peşəkar deyillər və onların inkişaf edəcək çox sahəsi var. Futbola Türkiyədə böyük pullar yatırılır, yaxşı klublar da var, amma rəhbərliklə münasibətlər kimi problemlərə görə yüksək səviyyəyə çata bilmirlər.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev "Əl-Ərəbiyyə" telekanalına müsahibə verib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev XII Qlobal Bakı Forumunun açılış mərasimində çıxış edib
Ən son xəbərləri bizim
"Facebook" səhifəmizdə izləyin
Digər xəbərlər
-
"Bakcell" gənclər üçün növbəti süni intellekt hakatonunu keçirib
-
"Sədərək" bazarında səssizlik: Alıcıları hara üz tutublar?
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
UEFA Millətlər Liqasında qrup mərhələsinin son oyunları keçirilib
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
PSV Kevin De Brüyne üçün transfer təklifi göndərib













