Pakistan ordusu Əfqanıstanla sərhəd bölgəsində Taliban və İŞİD yaraqlılarının hücumlarını dəf etmək üçün hərbi əməliyyatlara başlayıb.

BAKU.WS "Dawn" və "Geo News" nəşrlərinə istinadən xəbər verir ki, toqquşmalar əsasən Anqor-Adda, Badjaur, Kurram, Dir, Çitral (Xeyber Paxtunxva əyaləti) və Baram-Çah (Bəlucistan əyaləti) ərazilərində baş verib.

Təhlükəsizlik mənbələrinin məlumatına görə, Əfqanıstan tərəfi böyük itkilər verib. Pakistan ordusu yaraqlıların sığınacaqlarına artilleriya, tanklar, təyyarələr və pilotsuz uçuş aparatları ilə zərbələr endirib.

Məlumatda bildirilir ki, İŞİD və "Pakistan Talibanı" silahlı qruplarının Əfqanıstan ərazisindən sərhədi keçərək hücum cəhdləri də qarşısı alınıb.

Pakistan Silahlı Qüvvələri terrorçulara dəstək verdiyi iddia olunan 19 sərhəd məntəqəsinə nəzarəti ələ keçirib. Əfqanıstan qüvvələrinin sərhədyanı bölgələrdə atəş açmasından sonra Pakistan ordusu cavab əməliyyatları həyata keçirib.

Xeyber-Paxtunxva əyalətindəki qəbilə ağsaqqalları isə Pakistan ordusunun antiterror əməliyyatlarını dəstəklədiklərini bəyan ediblər.

Oxşar xəbərlər

Azərbaycan Sərhəd Mühafizəsinin yaranmasından 106 il ötür

Azərbaycan Sərhəd Mühafizəsinin yaranmasından 105 il ötür

İki ordu arasında qalan Ukraynanın xaraba kəndlərindən - FOTOREPORTAJ

Sahil qəsəbəsi yaxınlığında vulkan püskürüb - Nazirlik helikopteri havaya qaldırdı

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4