Şamaxıda kişi qaynını döyüb.

BAKU.WS Oxu.Az-a istinadən xəbər verir ki, hadisə rayonun Həmyəli kəndində baş verib.

Kənd sakini Cəmil Qafarlı evdə həyat yoldaşı ilə mübahisə edib.

Mübahisədən Cəmilin qayını Beydulla xəbər tutub və o, yeznəsi ilə bu barədə söhbət etmək istəyib. Beydulla bu məqsədlə Cəmilə zəng vuraraq, onu görüşə çağırıb.

O, Cəmilə kənddəki "Tayva" adlanan əraziyə gəlməsini istəyib, Cəmil də razı olub. Axşam saatlarında Cəmil həmin əraziyə gəlib və Beydulla ilə görüşüb. Beydulla ona bacısını incitməməyi tapşırıb və buna görə ona irad tutub.

Cəmil isə Beydullaya öz işi ilə məşğul olmasını, onun ailə işlərinə qarışmamasını tövsiyə edib. Bu vaxt Beydulla Cəmilə hücum edərək, onun yaxasından tutub, vurmaq istəyib.

Cəmil bu zaman onun ağız və sifətindən vurub. Nəticədə Beydullanın ağızı və çənə nahiyəsi partlayıb, huşunu itirib. O, xəstəxanaya yerləşdirilib və əməliyyat edilib.

Hadisə yerinə polis əməkdaşları gəlib, Cəmil Qafarlı saxlanılıb.

Faktla bağlı cinayət işi başlayıb və iş məhkəməyə göndərilib. Şamaxı Rayon Məhkəməsində keçirilən prosesdə yeznə ilə qayın barışdığı üçün cinayət işinə xitam verilib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Meyvəni çox yeyən ayının halı pisləşdi, xəstəxanalıq oldu

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Xocalının Badara, Daşbulaq, Seyidbəyli və Şuşakənd kəndlərinin sakinləri ilə görüşüb