"Kəndinə qayıt" verilişinin növbəti buraxılışında Gədəbəyin ən ucqar yaşayış məntəqələrindən biri - dağların qoynunda yerləşən Nərimankəndə səyahət edilib.

Nərimankənd Azərbaycanın qərb hissəsində, Gədəbəy və Tovuz rayonlarının inzibati sərhədlərində, Xınna dərəsində yerləşir.

Kənd bir zamanlar Orconikidze adlandırılıb və ölkəmizin müstəqilliyini bərpa etməsindən sonra öz tarixi adına qovuşub.

Hazırda burada təxminən 1 000 nəfər yaşayır. Nərimankəndin ən diqqətçəkən cəhətlərindən biri ata-babalardan qalmış qədim evlərin bu günə qədər qorunub saxlanmasıdır. Kəndin sakinləri arasında təhsilə böyük maraq var və uzun illərdir ki, burada təhsil almayan gənclərə qız verilmədiyi deyilir.

Lakin kəndin yaşlı sakini Afizə nənə bildirir ki, vaxtilə adətlər tam əksinə olub - oxuyan qızlarla evlənmək istəməz, belə qızlar ailə qurmaqda çətinlik çəkərmiş.

"Əvvəllər deyirdilər ki, qız oxuyubsa, onu almırıq. Çox oxuyan qızı almırdılar. Sonralar çoxu şəhərə getdi, orada oxuyub, elə orada da qaldılar. İndi kəndimizdə qız yoxdur", - Afizə nənə söyləyib.

Daha ətraflı Baku TV-nin videomaterialında:

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bayıl türməsinin yetirməsi, Stalin dövrünün sirli siyasətçisi Serqo Orconikidze

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib