Latviya və Rumıniyanın xahişi ilə NATO-nun ən yüksək səviyyəsində “dron insidentləri” ilə bağlı müzakirə aparılacaq.

“Report” xəbər verir ki, bu barədə Latviya Prezidenti Edqars Rinkeviç “TV24” telekanalına müsahibəsində bildirib.

“Daha geniş nöqteyi-nəzərdən görürük ki, Polşa, Rumıniya və indi də Latviya kimi NATO-ya üzv ölkələrin ərazisinə dronlar vasitəsilə soxulmaq ilə bağlı oxşar insidentlər artıq baş verib. Müxtəlif tipli insidentlərin nəzərə alınmalı olduğu yeni reallıq var və bu yeni təhdidlərə qətiyyətlə qarşı çıxmaq üçün daha tutarlı ümumi NATO strategiyası hazırlanmalıdır”, - Rinkeviç deyib.

Onun fikrincə, eyni zamanda Latviyanın imkanlarını, məsələn, müxtəlif növ potensial təxribatçı elementlərə, o cümlədən hava hücumundan müdafiə sistemlərinə qarşı mübarizədə, daim təkmilləşdirmək lazımdır.

Xatırladaq ki, daha əvvəl sentyabrın 7-də Rusiyaya məxsus hərbi pilotsuz uçuş aparatının Belarusdan Latviyaya uçduğu, sonra isə Rezekne diyarında qəzaya uğradığı bildirilmişdi. Latviya Müdafiə Nazirliyinin məlumatına görə, ilkin məlumatlar obyektin Latviyada düşmən hədəflərinin olmadığını göstərib. Bu vəziyyəti şərh edən Latviya Prezidenti isə bildirib ki, hazırda Müdafiə Nazirliyi və Milli Silahlı Qüvvələr (MSQ) əlavə təfərrüatları öyrənmək üçün araşdırmaları davam etdirir.

Oxşar xəbərlər

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Səfir: Qərb demokratiyası və parlamentarizm heç də ədalət və obyektivliyin sinonimi deyil - MÜSAHİBƏ

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

Daşkənddə Azərbaycan-Özbəkistan Ali Dövlətlərarası Şuranın birinci iclası keçirilib - YENİLƏNİB - 2