Yanvar-avqust aylarında Çin – Amerika ticarət dövriyyəsi illik 2,1 % artaraq 443,73 milyard dollar təşkil edib.

“Far.Az” xəbər verir ki, bu barədə Çin Xalq Respublikasının Baş Gömrük İdarəsi (BGİ) məlumat yayıb.

Qurumun məlumatına əsasən, Çindən ABŞ-yə ixrac 2,8 % (334,15 milyard dollara qədər) artıb. ABŞ-dən idxal faktiki olaraq dəyişməz qalıb (109,58 milyard dollar). Müvafiq müddət ərzində Çinin müsbət saldosu 224,57 milyard dollara çatıb ki, bu da 2023-cü ilin ilk səkkiz ayı ilə müqayisədə 4,5 % çoxdur.

BGİ-nin statistik məlumatına görə, avqustda iki ölkə arasında ticarət dövriyyəsi iyul ayı səviyyəsində qalaraq 60,69 milyard dollar təşkil edib. Çin ixracatı 3,3 % artaraq 47,25 milyard dollara çatıb. Amerika mallarının tədarükü isə əksinə, aylıq müqayisədə 9,7 % azalaraq 13,44 milyard dollar olub.

Çin ABŞ-dən soya, pambıq və qarğıdalı, mikroçiplər, yolsuzluq avtomobilləri, mayeləşdirilmiş neft qazı və neft, kokslaşan kömür, mis və mis filizi idxal edir. Amerika tərəfi Çindən smartfonlar, kompüterlər, litium-ion batareyalar, plastik məhsullar, təhlükəsizlik kameraları, məişət texnikası, ayaqqabılar, uşaq oyuncaqları və s. məhsullar alır.

Çin – Amerika münasibətləri son bir neçə ildə daha da gərginləşərək iki ölkə arasındakı ticarətə təsir edib. 2022-ci ildə onların ticarət dövriyyəsi cəmi 0,6 % artaraq 759,4 milyard dollara çatıb. 2023-cü ildə isə 11,6 % azalaraq 664,45 milyard dollar təşkil edib.

Oxşar xəbərlər

Azərbaycanda bəzi bitkilər üzrə yalnız məhsul subsidiyası veriləcək

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

COP29 qlobal səviyyədə istixana qaz emissiyalarının balansını təmin edəcək - FOTO - ANALİZ 

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Azərbaycanla Rusiya arasında ticarət dövriyyəsi bu il 2.5 mlrd. dolları ötüb