2024-cü ilin yanvar-iyul ayları ərzində Azərbaycanla Rusiya arasında ticarət dövriyyəsi 2 milyard 572.8 milyon ABŞ dolları təşkil edib.

“Far.Az-Economics”in Dövlət Gömrük Komitəsinin hesabatı əsasında apardığı hesablamalara görə, bu göstəricinin həcmi ötən ilin müvafiq dövrü ilə müqayisədə 5.2% və ya 127.5 milyon ABŞ dolları artıb.

Hesabat dövründə Azərbaycandan Rusiyaya ixrac 7.8% azalaraq 656 milyon 46 min dollara, Rusiyadan Azərbaycana ixrac isə 10.6% artaraq 1 milyard 916.7 milyon dollara bərabər olub.

Bu dövrdə Azərbaycanın qeyri-neft məhsulları ixrac etdiyi ölkələr arasında Rusiya birinci yerdə qərarlaşıb. Belə ki, cari ilin yanvar-iyul ayları ərzində Azərbaycandan Rusiyaya 641 milyon 87 min ABŞ dolları dəyərində qeyri-neft məhsulları ixrac edilib.

Bu dövrdə Azərbaycandan Rusiyaya əsasən meyvə-tərəvəz ( pomidor, kartof, alma, meşə fındığı, albalı, çiyələk, xurma və sair) meyvə şirələri, ilkin formalı propilen sopolimerləri və başqa məhsullar ixrac edilib.

Qeyd edək ki, 2024-cü ilin yanvar-iyul ayları ərzində Azərbaycanla Rusiya arasında ticarət dövriyyəsi, ölkənin ümumi ticarət dövriyyəsinin 9.57%-nə bərabər olub.

Xatırladaq ki, cari ilin yeddi ayında Azərbaycanın ticarət dövriyyəsi 26 milyard 892 milyon ABŞ dolları, qeyri-neft ixracı isə 1 milyard 874.7 milyon ABŞ dolları təşkil edib.

Oxşar xəbərlər

Azərbaycan meyvə-tərəvəz ixracından 380 mln. dollardan çox gəlir əldə edib

Azərbaycan bu il Rusiyaya xurma ixracını 71 faiz artırıb

Bu il Azərbaycan şəkər ixracından gəlirlərini artırıb

Azərbaycanın magistral neft kəmərlərindən gəlirləri artıb

Paşinyanın Ermənistana töhfəsi - işsizlik pik həddə çatıb - ŞƏRH