İstanbul Prokurorluğu qanunsuz mərc fəaliyyəti ilə bağlı aparılan istintaq çərçivəsində 14 futbolçunun həbs edilməsi üçün order verib.

Far.Az xəbər verir ki, bu barədə "TRT Haber" məlumat yayıb.

Türkiyədə futbol üzrə qeyri-qanuni mərc qalmaqalı geniş rezonans doğurub. Adları açıqlanmayan 14 futbolçu ilə yanaşı, daha 15 nəfər barəsində də həbs qərarı çıxarılıb. Onların arasında İstanbulun "Qalatasaray" klubunun keçmiş baş direktoru Erden Timurun da olduğu bildirilir. Futbolçuların öz komandalarına qarşı mərc etdikləri şübhəsi var.

Qeyd olunur ki, noyabrın 13-də Türkiyə Futbol Federasiyası (TFF) idmana mərc etdiklərinə görə 102 futbolçunu diskvalifikasiya edib. Cəzanın minimum müddəti 45 gün, maksimum müddəti isə bir il təşkil edib.

Qalmaqala futbol hakimlərinin də cəlb olunduğu bildirilir. Noyabrın 1-də TFF-nin Peşəkar Futbol üzrə İntizam Şurası idmana mərc etdiyi müəyyən edilən hakimlərə sanksiyalar tətbiq edib. Ümumilikdə peşəkar komandaların oyunlarını idarə edən 149 hakim 8 aydan 12 aya qədər diskvalifikasiya olunub.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İş xanımı ilə fitnesçinin 550 minlik qalmaqalı böyüyür: "Pasportlarda möhürlər var"

Türkiyədə qanunsuz mərc oyunlarına görə cəzalandırılan futbolçu məşhur müğənninin qardaşı imiş