Azərbaycanlı hakimlər beynəlxalq konfransda iştirak edib
8-10 sentyabr tarixlərində İrlandiya Respublikasının paytaxtı Dublin şəhərində Beynəlxalq Qaçqınlar və Miqrasiya Hakimləri Assosiasiyasının Avropa Bölməsinin Konfransı keçirilib.
"Far.Az"un məlumatına görə, konfransda Sumqayıt Apellyasiya Məhkəməsinin hakimi, Hakimlərin Seçki Komitəsinin üzvü Zahid Məmmədov və Bakı İnzibati Məhkəməsinin hakimi Orxan Həsənov iştirak ediblər.
BMT-nin Qaçqınlar üzrə Ali Komissarlığının dəstəyi ilə keçirilən konfransda Avropa İnsan Hüquqları Məhkəməsinin sədri, Avropa Ədalət Məhkəməsinin vitse-prezidenti, İrlandiya Respublikasının Ali Məhkəməsinin sədri, baş prokuroru, ədliyyə naziri, Beynəlxalq Qaçqınlar və Miqrasiya Hakimləri Assosiasiyasının sədri, BMT QAK-ın, Avropa İttifaqının Sığınacaq Agentliyinin nümayəndələri, habelə 20-dək Avropa ölkəsinin qaçqın və miqrasiya məsələləri üzrə mübahisələrə baxan inzibati və digər ixtisaslaşdırılmış məhkəmələrinin hakimləri iştirak ediblər.
Tarixi Dublin qalasının Hibernia Konfrans Mərkəzində keçirilən tədbirin əsas mövzusu Avropa ölkələrində artan miqrasiya prosesləri fonunda məhkəmələrdə qaçqın statusunun verilməsi və miqrasiya məsələləri ilə bağlı mübahisələrə baxılması təcrübəsi, bu sahədə Avropa İnsan Haqları Məhkəməsinin cari presedent hüququndan irəli gələn məsələlər olub. Mövzu üzrə müxtəlif ölkələrdən olan məruzəçi hakimlər aktual mövzular üzrə təqdimatlarla çıxış ediblər.
Ölkəmizi təmsil edən hakimlər təqdim edilən mövzular üzrə keçirilən müzakirələrdə iştirak ediblər, eyni zamanda tədbir iştirakçılarına Azərbaycanda həyata keçirilən məhkəmə-hüquq islahatları, inzibati məhkəmələrin fəaliyyəti, qaçqın statusunun verilməsinə dair işlər üzrə məhkəmə təcrübəsi, hakimlərin seçki prosesi barədə ətraflı məlumat verilib.
Oxşar xəbərlər
Milli Məclisə seçkilərdə lider namizədlərin adları açıqlanıb - YENİLƏNİB
Azərbaycan-Özbəkistan sənədləri imzalanıb - YENİLƏNİB-1
Azərbaycanla Özbəkistan arasında 12 sənəd imzalanıb - YENİLƏNİB
Azərbaycan-Özbəkistan sənədləri imzalanıb - YENİLƏNİB - FOTO
Nyu-Yorkda Azərbaycan-Amerikan Tibb Assosiasiyasının ikinci ümumi toplantısı keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
"United Airlines" şirkətinin işində iri miqyaslı nasazlıq yaranıb
-
Pentaqon Yaxın Şərqdə 20-dən çox gəmi cəmləşdirib
-
Muxtar Babayev: İqlim maliyyəsi üçün yeni mexanizmlərin yaradılması vacibdir
-
Muxtar Babayev: Azərbaycan və Türkiyə Cəbrayılda Meşə Təlim Mərkəzi yaradıb
-
Ronaldonun oğlu Portuqaliya millisində – Atasının yolunu davam etdirə biləcək?
-
Azərbaycanda daha bir həkim vəfat etdi













