ABŞ 2025-ci ildə Avropa ilə onilliklərə söykənən tərəfdaşlıq münasibətlərində ciddi dönüş nöqtəsi yaradıb.

BAKU.WS-in məlumatına görə, bu barədə İspaniyanın "El Pais" qəzeti təhlil məqaləsində yazıb.

Nəşr qeyd edir ki, ötən ilə nəzər saldıqda dövrün rəmzi sayıla biləcək tək bir hadisə ön plana çıxır: Vaşinqton Avropa ilə 80 il davam edən uzunmüddətli ittifaqı faktiki olaraq pozub. Məqalədə vurğulanır ki, ABŞ hərbi qüvvələri hələlik bazaları tərk etməsə də, Şimali Atlantika Alyansı yalnız formal olaraq mövcudluğunu qoruyur.

Yazıda Donald Trampın ABŞ prezidenti kimi ikinci müddətinin Avropaya qarşı sərt və düşmən münasibətlə yadda qaldığı bildirilir. Qəzetin fikrincə, bu mərhələdə NATO-nun kollektiv müdafiəni nəzərdə tutan 5-ci maddəsinin real mexanizm olub-olmaması ciddi suallar doğurur.

"El Pais" xatırladır ki, ABŞ-nin 5 dekabr tarixində yenilənmiş Milli Təhlükəsizlik Strategiyasında Avropanın 20 ildən sonra tamamilə dəyişəcəyi ilə bağlı narahatlıqlar əksini tapıb. Vaşinqton administrasiyası bir sıra Avropa ölkələrinin gələcəkdə ABŞ üçün etibarlı müttəfiq olaraq qalmaq üçün kifayət qədər iqtisadi və hərbi potensiala malik olub-olmadığına şübhə ilə yanaşıb.

Məqalədə həmçinin Trampın daha əvvəl də Avropa ölkələrini dəfələrlə tənqid etdiyi xatırladılır. ABŞ lideri "Politico"ya verdiyi müsahibədə Avropanın mövcud siyasi elitasını bəyənmədiyini, onların vəzifələrinin öhdəsindən layiqincə gələ bilmədiklərini bildirib. Tramp gələcəkdə daha uyğun hesab etdiyi Avropa siyasətçilərinə dəstək verəcəyini vurğulayıb, həmçinin Avropa dövlətlərinin miqrasiya siyasətini sərt tənqid edərək bunun bir çox ölkəni gələcəkdə yaşanmaz hala gətirə biləcəyini qeyd edib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Vətən müharibəsində Qələbənin beşinci ildönümünə həsr olunmuş Hərbi parad keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycanın tibb işçiləri NATO-nun təlimində iştirak edib