Sumqayıtda dəm qazından zəhərlənənin vəziyyəti açıqlanıb.

BAKU.WS xəbər verir ki, bu barədə Oxu.Az-a Sumqayıt Tibb Mərkəzindən bildirib.

"Yanvarın 4-də saat 20:50-də Sumqayıt Tibb Mərkəzinin Təcili Tibbi Yardım Xəstəxanasına 1960-cı il təvəllüdlü şəxs (qadın) hospitalizasiya olunub.

Dəm qazından zəhərlənmə diaqnozu təyin edilən pasiyentə zəruri tibbi xidmətlər göstərilib.

Vəziyyəti qənaətbəxş qiymətləndirilən şəxs ambulator müalicə üçün evə buraxılıb", - məlumatda qeyd olunub.

*** 01:48

Sumqayıt şəhərində iki nəfər dəm qazından zəhərlənib.

BAKU.WS "Teleqraf"a istinadən xəbər verir ki, hadisələr şəhərin müxtəlif ərazilərində qeydə alınıb.

Belə ki, "Ceyranbatan bağları" adlanan ərazidə yerləşən fərdi evdə 1960-cı il təvəllüdlü Qənirə Kərəm qızı Yusifova hamam otağında dəm qazından zəhərlənib. Zərərçəkən Sumqayıt Şəhər Təcili Tibbi Yardım Xəstəxanasına yerləşdirilib. Onun vəziyyətinin orta ağır olduğu bildirilir.

Digər hadisə isə "Tuq zavod" adlandırılan ərazidə yerləşən fərdi evdə qeydə alınıb. 1968-ci il təvəllüdlü Təranə Səməndər qızı Quliyeva hamam otağında dəm qazından zəhərlənib.

Faktlarla bağlı araşdırma aparılır.

Oxşar xəbərlər

Rumıniyada türk siyasətçiyə Qənirə Paşayeva xüsusi mükafatı verildi

"Dünyanın ən gözəl qızı" Tilan Blonde hazırda 24 yaşındadır

Vəkilliyə qəbulla bağlı imtahanda uğur qazanan şəxslərin adları açıqlanıb

Bir qrup dövlət qulluqçusu təltif edilib - SƏRƏNCAM

Sumqayıtda 36 nömrəli tam orta məktəbin yenidənqurmadan sonra açılışı olub