Sentyabrın 1-də keçiriləcək parlament seçkiləri ilə bağlı təşviqat kampaniyası davam edir.

“Report” xəbər verir ki, namizədlərin seçicilərlə görüşləri ilə bağlı ölkə mətbuatında məlumatlar dərc olunur.

Seçki mühitində 70 saylı Neftçala seçki dairəsindən Vətəndaş Həmrəyliyi Partiyasının deputatlığa namizədi, VHP sədrinin müşaviri, Azərbaycan Türkiyə Evinin rəhbəri Tənzilə Rüstəmxanlının apardığı təşviqat kampaniyası diqqət çəkir. Belə ki, təşviqat kampaniyasının ilk ongünlüyündə 15 yaşayış məntəqəsində görüş keçirilib. Üst-üstə 30-a yaxın seçki məntəqəsinin ərazisini əhatə edən görüşlərdə seçicilərlə birbaşa ünsiyyət qurulub.

70 saylı Neftçala seçki dairəsinin 49 məntəqədən ibarət olduğunu nəzərə alsaq, demək, 10 gün ərzində dairənin dislokasiya ərazisinin böyük əksəriyyəti əhatə olunub.

Seçki qərargahından verilən məlumata görə, növbəti 10 gün üçün də təşviqat kampaniyasının iş planı hazırlanıb və kampaniya ərzində bütün kəndlərdə seçicilərlə görüşlər keçiriləcək.

Oxşar xəbərlər

“Vətəndaş cəmiyyəti uğrunda” koalisiya seçkilərlə əlaqədar aralıq hesabatını təqdim edib - FOTO

ABŞ-də Azərbaycan Evinin açılışı olub

"InvestAZ"dan dünya maliyyə bazarları ilə bağlı həftəlik analiz

ABŞ-də Azərbaycan Evinin açılışı olub - FOTO

Makronun prezidentliyinin “pik” həddi - Fransa vətəndaş müharibəsi astanasında - ŞƏRH