"Mançester Siti" İngiltərə Liqa Kubokunun yarımfinal mərhələsinin cavab oyununda "Nyukasl"ı 3:1 hesabı ilə məğlub edərək turnirin finalına yüksəlib.

"Report" xəbər verir ki, qarşılaşma Mançesterdəki "Etihad" stadionunda baş tutub.

Qalib komandanın heyətində qolları Omar Marmuş (7 və 29-cu dəqiqələr) və Ticani Reynders (32) vurublar. "Nyukasl"ın yeganə qoluna isə Antoni Elanqa (62) imza atıb. İlk görüşdə də "Mançester Siti" səfərdə 2:0 hesablı qələbə qazanmışdı.

Finalda "Mançester Siti" iki oyunun nəticəsinə görə "Çelsi"ni (3:2, 1:0) üstələyən "Arsenal" ilə qarşılaşacaq. Titul uğrunda həlledici matç martın 22-də Londondakı "Uembli" stadionunda keçiriləcək.

İngiltərə Liqa Kuboku 1960-cı ildən bəri keçirilir. Ötən il turnirin qalibi ilk dəfə "Nyukasl" olub. Qələbə sayına görə lider 10 titulla "Liverpul"dur. "Arsenal"ın hesabında 2, "Mançester Siti"nin aktivində isə 8 qələbə var.

Oxşar xəbərlər

İlham Əliyev Cəbrayılın Horovlu kəndinin birinci mərhələsinin açılışında iştirak edib

İngiltərə Liqa Kuboku: "Liverpul" "Tottenhem"i məğlub edərək turnirin finalına yüksəlib

Tənqid edilənlər, qalmaqal yaradanlar, ilklərə imza atıb, yeniliklər edənlər... - 2025-ci ilin əsas şou hadisələri

Çempionlar Liqası: "Liverpul"a məğlub olan "Qarabağ" pley-offa yüksəlib - YENİLƏNİB-9

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib