İtaliyada keçirilən 2026 Qış Olimpiya Oyunlarında ilk dəfə bir idmançı iki qızıl medal qazanıb.

Far.Az xəbər verir ki, 24 yaşlı isveçrəli dağ xizəkçisi Franio fon Allmen bu nailiyyətə imza atan ilk idmançı olub.

Fon Allmen 7 fevral tarixində kişilər arasında sürətli eniş yarışında 1 dəqiqə 51,61 saniyə nəticə ilə qızıl medal qazanıb. Həmin yarışda italiyalı Covanni Frandzoni ikinci, Dominik Paris isə üçüncü yeri tutub.

Bu gün, 9 fevralda, Franio fon Allmen həmvətəni Tangi Nef ilə birlikdə komanda kombinasiyası (slalom) yarışında da qalib gəlib. Qeyd olunur ki, Fon Allmen öz çıxışından sonra dördüncü mövqedə olsa da, Nefin uğurlu çıxışı İsveçrə komandasını qızıl medala daşıyıb.

Maraqlıdır ki, İtaliyada qazandığı bu medallar Franio fon Allmenin karyerasında ilk Olimpiya medallarıdır. O, daha əvvəl Olimpiya Oyunlarında iştirak etməmişdi.

Oxşar xəbərlər

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

Prezident İlham Əliyev Yevlax Olimpiya İdman Kompleksinin açılışında iştirak edib

XXV Qış Olimpiya Oyunlarının açılış mərasimi keçirilib - YENİLƏNİB

STM dövlət orqanlarının kommunikasiya xətlərinin fəaliyyəti ilə bağlı monitorinq keçirib

Bakı şəhərinin sevilən Qış nağılı yenidən Fəvvarələr meydanında!