"Ötən həftə ABŞ-nin vitse-prezidenti Cey. Di. Vensin Ermənistan və Azərbaycana rəsmi səfərləri regionun gündəmini zəbt etdi. Bu, Vaşinqtonun hər iki ölkə ilə münasibətlərinin səviyyəsi və məzmunundakı köklü fərqləri əyani şəkildə nümayiş etdirdi".

Oxu.Az xəbər verir ki, bu barədə "Caliber"in "YouTube" kanalında yayımlanan yeni süjetində bildirilir.

Bakıda Prezident İlham Əliyevlə aparılan yüksəksəviyyəli danışıqlar mühüm bir sənədin - hərbi-texniki əməkdaşlığı, energetika sahəsini, Transxəzər Beynəlxalq Nəqliyyat Marşrutunun inkişafını və Zəngəzur dəhlizi vasitəsilə Tramp marşrutunun reallaşdırılmasını əhatə edən Strateji Tərəfdaşlıq Xartiyasının imzalanması ilə yekunlaşdı. Bu razılaşmalar Azərbaycanın Avrasiya kommunikasiyaları və enerji arxitekturasındakı həlledici həlqə rolunu bir daha möhkəmləndirdi.

İrəvanda baş nazir Nikol Paşinyanla keçirilən görüş isə daha çox deklarativ xarakter daşıdı. ABŞ-nin çoxmilyardlıq investisiyaları barədə səslənən ilkin bəyanatlar, yekunda Ermənistan tərəfinin məhz Amerika məhsullarını almaq öhdəliklərinə çevrildi. Ermənistan rəhbərliyinin kommunikasiyalar üzərində nəzarət məsələsi də daxil olmaqla, ABŞ və Avropa İttifaqı arasında manevr etmək cəhdləri imkanlar baxımından olduqca məhdud görünür.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Heydər Əliyev Fondunun vitse-prezidenti Leyla Əliyeva Londonda yüksəksəviyyəli iqlim dialoqunda iştirak edib

İlham Əliyevlə Cey Di Vens arasında geniştərkibli görüş başa çatıb