Əmək və Əhalinin Sosial Müdafiəsi Nazirliyinin Bakının Ramana və Ümid qəsəbələrində, Abşeron və Samux rayonlarında yeni yaşayış binalarında olan mənzillərin ms.sosial.gov.az portalı vasitəsilə satışı davam edir.

Bu barədə Far.Az-ə DSMF-dən məlumat verilib.

Bildirilib ki, yerləşmə ərazisindən asılı olaraq mənzillərin 1 kvadratmetr üçün qiyməti 435-850 AZN aralığında dəyişir.

Mənzillərdən almaq istəyən şəxslər qeyd edilən portalda almaq istədiyi mənzili seçərək onu "Bron et" düyməsini sıxmaqla bron edə bilər.

Satılan mənzillərin hər biri:

• 3 və 4 otaqlıdır, tam təmirlidir və istifadə olunmayıb,

• Çıxarışlıdır və ipoteka krediti ilə də almağa uyğundur.

Mənzilləri bron etmək istəyən şəxs bunun üçün ASAN Loginin autentifikasiya vasitələrindən birinə malik olmalıdır.

Bir mənzili ilk bron etmiş şəxs həmin mənzili almaq hüququ qazanır, ondan əlavə 2 şəxsin də həmin mənzili bron etmək imkanı var. İlk bron etmiş şəxs mənzili almaqdan imtina etdikdə, mənzili almaq hüququ onu bron etmiş digər şəxsə keçir.

Qeyd edək ki, satışdan əldə olunan vəsait ölkəmizin digər bölgələrində şəhid ailələri və müharibə ilə əlaqədar əlilliyi olan şəxslərin mənzil və fərdi evlə təminatına yönəldilir.

Əlavə məlumat əldə etmək üçün 142-Çağrı Mərkəzinə müraciət edə bilərsiniz.

Oxşar xəbərlər

Bakıda kvadratı 435-850 AZN olan mənzillər SATIŞDA

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Nərimanovda premium təmirli mənzillər 36 ayadək faizsiz, daxili kredit imkanı ilə satışda - "Kristal!"

Zəngilanın Məmmədbəyli və Ağalı kəndlərinin sakinlərinə mənzillərin açarları təqdim edilib