Rəqəmsal İnkişaf və Nəqliyyat Nazirliyi yanında İnformasiya Kommunikasiya Texnologiyaları Agentliyi Azərbaycanda "Elektron kommunikasiya haqqında" yeni qanun layihəsi hazırlayıb.

"Far.Az" xəbər verir ki, bunu Agentliyin İdarə Heyətinin sədri Nail Mərdanov bildirib.

"Sənəd müvafiq dövlət qurumları ilə razılaşdırma mərhələsindədir, tam hazır olduqdan sonra aidiyyəti üzrə təqdim ediləcək. Yeni qanun internetin sürətinə və qiymətinə nəzarətin artırılması, telekommunikasiya sahəsində fəaliyyətə başlamaq istəyən sahibkarlara dəstək verilməsi ilə bağlı məsələləri özündə ehtiva edir", - deyə o qeyd edib.

"Yeni qanunda internetin keyfiyyəti ilə bağlı standartların tətbiq edilməsi də var. Hazırda fəaliyyətin təşkili ilə bağlı konkret standartlar işlənilir. Dünyamız dəyişir, şəbəkə dayanıqlılığına, informasiya təhlükəsizliyinə daha çox üstünlük verilir. Bununla bağlı bizim tələblərimiz də artır. Bundan sonra provayder və operatorlar məcbur olacaqlar ki, şəbəkə dayanıqlılığı və informasiya təhlükəsizliyi ilə bağlı konkret tələbləri icra etsinlər. Tələblər icra edilməsə onlara qarşı sanksiyalar tətbiq ediləcək", - deyə N.Mərdanov əlavə edib.

Oxşar xəbərlər

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

Bu gün xüsusi dövlət mühafizəsi sahəsində çalışan əməkdaşların peşə bayramıdır