"Azsığorta" ASC 2025-ci ili 1,75 milyon manat xalis mənfəətlə başa vurub.

"Far.Az" şirkətin maliyyə hesabatına istinadən xəbər verir ki, bu, 2024-cü illə müqayisədə 3,3 % çoxdur.

Ötən il "Azsığorta"nın gəlirləri 13,313 milyon manat (əvvəlki ilə nisbətən 2,1 % çox), xərcləri 11,069 milyon manat (1,8 % çox), mənfəət vergisi ödəmələri isə 494 min manat (6 % çox) təşkil edib.

Bu il yanvarın 1-nə "Azsığorta"nın aktivləri 30,314 milyon manat olub ki, bu da illik müqayisədə 1,3 % azdır. Hesabat dövründə şirkətin öhdəlikləri 9,6 % azalaraq 10,732 milyon manata, balans kapitalı isə 4 % artaraq 19,583 milyon manata çatıb.

Xatırladaq ki, "Azsığorta" 2006-cı ildə yaradılıb. Onun nizamnamə kapitalı 14,007 milyon manatdır. Şirkətin səhmləri 100 % Hikmət Abuzər oğlu İsmayılova ("AFB Bank" ASC-nin 99,64 %-lik, "Bank of Baku" ASC-nin isə 31,11 %-lik səhmdarı) məxsusdur.

Oxşar xəbərlər

Silahlı Qüvvələrin bir qrup hərbi qulluqçu təltif edilib

Prezident İlham Əliyev Əfv Sərəncamı imzalayıb

"AFB Bank"ın xalis mənfəəti 7 % azalıb

Bir qrup dövlət qulluqçusu təltif edilib - SƏRƏNCAM

AZAL-ın xalis mənfəəti 86 %-ə yaxın artıb