Bakı şəhəri, Nizami rayonu, Qara Qarayev prospektində baş verən yol-nəqliyyat hadisəsi zamanı xəsarət alan şəxsin vəziyyəti açıqlanıb.

Far.Az Oxu.Az-a istinadən xəbər verir ki, Respublika Təcili və Təxirəsalınmaz Tibbi Yardım Mərkəzindən mart ayının 7-də saat 06:10-da Respublika Təcili və Təxirəsalınmaz Tibbi Yardım Mərkəzinə Bakı şəhəri, metronun "Neftçilər" stansiyası yaxınlığından çağırış qeydə alındığı bildirilib.

"Çağırış ünvanına təcili tibbi yardım briqadası cəlb olunub. Briqada tərəfindən 1994-cü il təvəllüdlü şəxs (kişi) sağ əlin travması diaqnozu ilə Sabunçu Tibbi Mərkəzə hospitalizasiya olunub", - deyə məlumatda bildirilir.

*** 11:52

Bakı şəhəri, Nizami rayonu, Qara Qarayev prospektində yol-nəqliyyat hadisəsi baş verib və vətəndaş avtomobildə sıxılı vəziyyətdə qalıb.

Far.Az xəbər verir ki, bu barədə Fövqəladə Hallar Nazirliyi (FHN) məlumat yayıb.

Bildirilib ki, hadisə yerinə dərhal FHN-in Xüsusi Riskli Xilasetmə Xidmətinin xilasediciləri cəlb ediliblər.

Hadisə yerində əməliyyat şəraiti qiymətləndirilərkən müəyyən olunub ki, "Toyota Corolla", "Hyundai" və "Toyota Prius" markalı minik avtomobillərinin toqquşması nəticəsində qəza baş verib. Məlum olub ki, "Toyota Prius" markalı minik avtomobilində vətəndaş müxtəlif dərəcəli bədən xəsarətləri alaraq deformasiyaya uğramış nəqliyyat vasitəsində sıxılı vəziyyətdə qalıb.

Xilasedicilər xüsusi xilasetmə vasitələrinin köməyi ilə 1994-cü il təvəllüdlü Nəzrin Faiq qızı İslamzadəni xilas edərək təcili tibbi yardım briqadasına təhvil veriblər.

Hadisə ilə əlaqədar müvafiq qurumlar tərəfindən araşdırma aparılır.

Oxşar xəbərlər

20 Sentyabr - Neftçilər Günü münasibətilə tədbir keçirilib

Prezident İlham Əliyev Əfv Sərəncamı imzalayıb

Şirvanda 5 Mart – Bədən Tərbiyəsi və İdman Günü qeyd edilib

Goranboyda yaşayış binasında uçqun zamanı xəsarət alanların VƏZİYYƏTİ AÇIQLANIB

Azərbaycanda AĞIR QƏZA: Ölən və xəsarət alan qadınların ADLARI