Astarada gəlin qayınanasını diş düzəltdirməyə görə qətlə yetirib.

Far.Az Oxu.Az-a istinadən xəbər verir ki, hadisə rayonun Kolatan kəndində baş verib.

Belə ki, 2004-cü il təvəllüdlü Ruhanə İmanova qayınanası Xalidə Manafova ilə mütəmadi mübahisə edib. Qadın gəlini ilə oğlunu evdən çıxarmaq istəsə də, oğlunun imkansızlığından bu plan baş tutmayıb. Bundan sonra isə qayınana-gəlin arasında mübahisə şiddətlənib.

Bir müddət əvvəl R.İmanova həyat yoldaşının pulu ilə dişlərinə breket konstruksiya sistemi tətbiq etdirib. Bu isə X.Manafovanın xoşuna gəlməyib və nəticədə qayınana-gəlin arasında yeni mübahisə yaranıb. Mübahisə nəticəsində R.İmanova mətbəx bıçağı ilə qayınanasına 13 bıçaq zərbəsi endirərək onu qətlə yetirib.

Faktla bağlı cinayət işi başlanılıb. Polis əməkdaşlarının keçirdikləri tədbirlərlə hadisəni törətməkdə şübhəli bilinən R.İmanova saxlanılıb.

Lənkəran Ağır Cinayətlər Məhkəməsində hakim Neymət Məmmədovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə R.İmanova 10 il azadlıqdan məhrum edilib.

Oxşar xəbərlər

AQTA Astaradakı kütləvi zəhərlənmənin səbəbini açıqladı

Leyla Əliyeva və Arzu Əliyeva Astarada Pəncəli Teymurovun ailəsini ziyarət ediblər

Astarada qayınanasının qətlində təqsirləndirilən 22 yaşlı qadına hökm oxunub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Həyat yoldaşının xəstəliyindən danışan İradə: "Mən nələr çəkmişəm!"