İsrail Müdafiə Qüvvələri (İMQ) iyul ayında Colan təpələrindəki futbol meydançasına hücumu təşkil edən “Hizbullah” komandiri Heydər əl-Şabianın məhv edildiyini açıqlayıb.

“Far.Az” xəbər verir ki, bu barədə “Sky News” ordu mətbuat xidmətinin bəyanatına istinadən bildirib.

“Dünən, kəşfiyyat məlumatlarına əsasən, İsrail Hərbi Hava Qüvvələrinin qırıcıları Məcdəl-Şəmsdəki hücuma görə məsuliyyət daşıyan terrorçu Heydər əl-Şabianı məhv edib”, – məlumatda deyilir.

Qeyd olunur ki, Heydər əl-Şabia “Hizbullah” təşkilatında Hardov bölgəsinə komandanlıq edirdi, o həmçinin Hardov bölgəsində, Hermon dağında və şimali Colan təpələrində İMQ-nin mövqelərinə yüzlərlə raket və tankəleyhinə raket atışlarına görə məsuliyyət daşıyırdı.

“Hizbullah” İsrailin bu açıqlamasını hələlik şərh etməyib.

Xatırladaq ki, iyulun 27-də “Hizbullah” yaraqlıları Colan təpələrindəki Məcdəl-Şəms şəhərinə zərbə endiriblər, nəticədə 12 uşaq həlak olub.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2

Bu gün Xankəndi, Xocalı, Xocavənd və Ağdərə şəhərləri günüdür

İsrail ordusundan növbəti zərbə: "İslami Cihad" komandiri öldürüldü

Türkiyənin Baş Qərargah rəisi Azərbaycan HHQ-nin komandanını qəbul edib - YENİLƏNİB