Baş prokuror Kamran Əliyev noyabrın 20-də saat 10:00-da Binəqədi rayon prokurorluğunun inzibati binasında Binəqədi rayon sakinlərini qəbul edəcək.

Bu barədə "Report"a Baş Prokurorluğun Mətbuat xidmətindən məlumat verilib.

Bildirilib ki, Kamran Əliyev rayonun hüquq-mühafizə orqanlarının icraatında olan cinayət işləri və materiallar üzrə, o cümlədən prokurorluq orqanlarının fəaliyyətinə aid məsələlərlə bağlı konkret müraciəti və ya şikayəti olan vətəndaşları dinləyəcək.

"Vətəndaşlar qəbulla bağlı Binəqədi rayon prokurorluğuna yazılı və ya şifahi müraciət etməklə yanaşı, Baş Prokurorluğun Sənədlərlə və müraciətlərlə işin təşkili idarəsinin və Bakı şəhər prokurorluğunun telefonları, həmçinin elektron poçt ünvanı, eləcə də prokurorluğun sosial şəbəkələrdəki səhifələri vasitəsilə də qəbula yazıla bilərlər", - məlumatda qeyd olunub.

Oxşar xəbərlər

Binəqədidə güclü yanğın tam söndürülüb - YENİLƏNİB-4

Çinarlı MTK: yeni metro yaxınlığında və Binəqədidə infrastrukturla paralel inkişaf edən layihə maraq yaradır

Binəqədidə yerləşən anbarda baş vermiş yanğın SÖNDÜRÜLDÜ

Binəqədidə güclü yanğın məhdudlaşdırılıb, xəsarət alan yoxdur - YENİLƏNİB-3

Binəqədidə yerləşən anbarda baş vermiş yanğın nəzarətə götürülüb