Misli Premyer Liqasında mövsümün ən böyükhesablı qələbə rekordu təkrarlanıb.

"Report" xəbər verir ki, XXV turun matçında "Neftçi" "İmişli"nin qapısından 6 cavabsız top keçirib.

Mövsümdə 3-cü dəfə altı qolluq fərq qeydə alınıb. Bunadək XXIII turda "Qarabağ" "Araz-Naxçıvan"ı 6:0, "Sabah" "Qəbələ"ni 7:1 hesabı ilə məğlub edib.

Ümumiyyətlə ölkə çempionatları tarixində 110-cu dəfə bir komanda rəqibini 6 və ya daha çox top fərqlə üstələyib.

Bu, "Neftçi"nin 23-cü belə qələbəsidir. "Kəpəz"in 17, "Qarabağ"ın 14, "Şəmkir"in 9 belə qalibiyyəti var.

Paytaxt təmsilçisi bu göstəricidə mütləq rekordçudur.

"Ağ-qaralar" sonuncu dəfə 13 il 4 ay əvvəl – 2012-ci il noyabrın 17-də "Sumqayıt"la görüşdə böyük üstünlük qazanıb – 8:1.

Bir mövsümdə 3 dəfə altı və ya daha çox top fərqinin qeydə alınması son 21 çempionatın rekordunun təkrarıdır. 2015/16, 2017/18 və 2022/23 mövsümlərində də üç belə nəticə qeydə alınıb. Daha çox – 4 matçın belə bitməsi isə sonuncu dəfə 2004/05 mövsümündə yaşanıb.

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

"Oracle Advisory Group" parlament seçkilərində "exit poll"un nəticələrini açıqlayıb

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Sosioloji Tədqiqatlar Mərkəzi növbədənkənar parlament seçkilərində “exit-poll”un nəticələrini açıqlayıb