Türkiyə Prezidenti Rəcəb Tayyib Ərdoğan ölkəsinin terrorla mübarizədə əldə etdiyi nəticələrin regionda sabitliyə töhfə verdiyini bildirib.

BAKU.WS-in məlumatına görə, dövlət başçısı çıxışında qeyd edib ki, Türkiyə yarım əsr davam edən qanlı proseslərin qarşısını alaraq, bölgədə xalqlar arasında qarşıdurma yaratmaq istəyən qüvvələrin planlarını pozub.

Onun sözlərinə görə, bu tendensiya xüsusilə Suriyanın şimalında baş verən hadisələrdə aydın şəkildə müşahidə olunub. Ərdoğan vurğulayıb ki, birlik və həmrəylik gücləndikcə, zorakılıq dövrü sona çatdıqca bundan həm Türkiyə, həm də region xalqları faydalanacaq.

Prezident əlavə edib ki, ölkə yeni geosiyasi reallıqlara uyğun olaraq hazırlıqlarını gücləndirib. Enerji təhlükəsizliyi sahəsində addımlar atılıb, resursların şaxələndirilməsi artırılıb və daxili imkanlar səfərbər olunub.

O, həmçinin nəqliyyat infrastrukturunda ciddi irəliləyişlər əldə edildiyini, Türkiyənin Londondan Çinə qədər uzanan dəmir yolu xəttində mühüm rol oynadığını bildirib.

Ərdoğan qeyd edib ki, maliyyə sistemi möhkəmləndirilib, bank infrastrukturu risklərə qarşı daha dayanıqlı hala gətirilib və ümumilikdə 47 ölkə ilə yüksək səviyyəli əməkdaşlıq şuraları yaradılıb.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda Azərbaycan Könüllülərinin VIII Həmrəylik Forumu keçirildi