Türkiyə ABŞ və İsrailin İrana qarşı müharibəsinin tamamilə dayandırılması, həmçinin regionda davamlı sülh və təhlükəsizliyin qorunması üçün effektiv mexanizmlərin hazırlanması istiqamətində diplomatik səylərin davam etdirilməsini dəstəkləyir.

"Far.Az" xəbər verir ki, bu barədə Türkiyənin xarici işlər naziri Hakan Fidan iranlı həmkarı Abbas Əraqçi ilə telefon danışığında bildirib.

İran xarici işlər nazirinin "Telegram" kanalında qeyd olunub ki, Fidan həmçinin Əraqçiyə atəşkəs yolundakı diplomatik səylərinə görə minnətdarlığını bildirib.

Əraqçi, öz növbəsində, İranın regionda təhlükəsizlik və davamlı sabitliyin bərqərar olması məqsədilə regional əməkdaşlığın gücləndirilməsinə sadiqliyini vurğulayıb. İranın xarici işlər naziri Türkiyənin bu istiqamətdəki təşəbbüslərini alqışlayıb.

İranlı nazir türkiyəli həmkarını atəşkəs kontekstində son vəziyyət barədə məlumatlandırıb.

"İran 10 bəndlik İran planının danışıqların əsası kimi qəbul edilməsi barədə razılığa gələrək atəşkəsi müharibənin tamamilə dayandırılması üçün əsas kimi qəbul etməyə razılaşıb. ABŞ tərəfi ciddi yanaşsa, müharibənin tam dayandırılmasına nail olmaq və davamlı sabitliklə təhlükəsizliyin bərqərar edilməsi mümkün olacaq", - Əraqçi qeyd edib.

14:38

Türkiyənin xarici işlər naziri Hakan Fidan iranlı həmkarı Abbas Əraqçi ilə telefon danışığı aparıb.

"Far.Az" xəbər verir ki, bu barədə "TRT Haber" nazirlikdəki mənbələrə əsasən məlumat yayıb.

Qeyd olunub ki, telefon danışığı zamanı Hakan Fidan Türkiyə olaraq müvəqqəti atəşkəsdən məmnunluğunu ifadə edib.

H.Fidan daimi sülhün təmin edilməsi üçün səylərin davam etdiriləcəyini bildirib.

Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb. Nəticədə İranın ali rəhbəri ayətullah Əli Xamenei və bir sıra yüksək vəzifəli şəxslər öldürülüb. Bundan sonra İran İsraillə yanaşı, ABŞ və müttəfiqlərinin hərbi bazalarının yerləşdiyi Səudiyyə Ərəbistanı, Qətər, Birləşmiş Ərəb Əmirlikləri, Oman, Bəhreyn, İraq və Kiprdə müəyyən etdiyi hədəflərə zərbələr endirməyə başlayıb. Aprelin 8-də isə İran ilə ABŞ və onların müttəfiqləri ikihəftəlik atəşkəs barədə razılığa gəliblər.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Müxtəlif ölkələrin rəsmiləri, qurumları və beynəlxalq təşkilatlar İranın Naxçıvana dron hücumunu pisləyib -YENİLƏNİB

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Müxtəlif ölkələrin rəsmiləri, qurumları və beynəlxalq təşkilatlar İranın Naxçıvana dron hücumunu pisləyib

Müxtəlif ölkələrin rəsmi şəxsləri, qurumlar və beynəlxalq təşkilatlar İranın Naxçıvana dron hücumunu pisləyib