Quba-Qonaqkənd-Muçu avtomobil yolunun 42-ci kilometrliyində aprelin 6-da baş vermiş torpaq sürüşməsi hələ də aktivliyini davam etdirir.

Təbii fəlakət nəticəsində elektrik dirəkləri sıradan çıxıb və qaz xətləri ciddi zərər görüb.

"Çətin vəziyyətdəyik. Gediş-gəliş yoxdur, qazımız yoxdur. Yolumuz 300 metrə yaxın uçub. Təzə yol açıblar. Oradan isə çətinliklə gedib-gəlirik", - sakinlərdən biri bildirib.

"Maşınla getmək olmur. Təxminən iki kilometrlik yolu ayaqla getməyə məcburuq", - digər sakin əlavə edib.

Qaz təchizatında yaranan problemlə bağlı "Azəriqaz" İstehsalat Birliyindən bildirilib ki, hazırda Quba və Qusar rayonları ərazisində qalan 287 abonentin qaz təminatının bərpası istiqamətində işlər sürətlə davam etdirilir. Yaxın vaxtlarda fəsadların tam aradan qaldırılması planlaşdırılır.

Avtomobil Yolları Dövlət Agentliyinin sədri Vüsal Nəsirli də sürüşmə baş verən ərazidə olub. O, ərazidə müvafiq tədqiqat işləri aparıldıqdan sonra yolun təhlükəsiz və fasiləsiz istifadəsinin təmin ediləcəyini bildirib.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Qubada torpaq sürüşməsi baş verən kəndə ərzaq yardımı göndərilib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Balıkesirdəki zəlzələ zamanı 25 bina zərər görüb