Fransa millisinin və "Real Madrid"in hücumçusu Kilian Mbappe komanda yoldaşı Usman Dembele ilə arasında gərginlik olması barədə yayılan xəbərlərə münasibət bildirib.

BAKU.WS xarici mətbuata istinadən xəbər verir ki, Mbappenin "Qızıl top"la bağlı açıqlamalarından sonra onunla Dembele arasında fikir ayrılığı yarandığı iddia olunurdu.

Daha əvvəl Mbappe Dembele barədə danışarkən onun hər zaman istedadlı futbolçu hesab edildiyini, özünün isə "seçilmiş" kimi qəbul olunduğunu bildirmişdi.

Bundan sonra "PSJ"nin hücumçusu Dembele belə açıqlama vermişdi:

"Bütün karyeram ərzində bir söz belə deməmişəm, sadəcə çox çalışmışam. Artıq dediyim kimi, mən heç vaxt seçilmiş olmamışam, sadəcə çox çalışmışam".

Mbappe isə Dembele ilə münasibətlərində hər hansı problemin olmadığını vurğulayıb:

"Bu barədə onunla artıq danışmışam. Heç bir gərginlik yoxdur, o, mənim dostumdur. Əslində bununla bağlı heç bir problem yoxdur və mən tamamilə sakitəm.

Millətlər Liqası oyunları və Fransa millisindəki çıxışlarımıza gəldikdə isə, burada həmişə müzakirə üçün bir səbəb tapmaq lazımdır. Düşünürəm ki, bu məsələ də məhz müzakirə mövzusuna çevrildi", - deyə Mbappe bildirib. Onun sözlərini "Actu Foot" yayıb.

Qeyd edək ki, bundan əvvəl Fransa millisinin sabiq müdafiəçisi Biksant Lizarazu da Mbappe ilə Dembele arasında olduğu iddia edilən münaqişə barədə fikirlərini bölüşüb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib