Yerli azərbaycanlılar Gürcüstanda gedən ictimai-siyasi proseslərdə mühüm rol oynayırlar. Azərbaycanlılar Gürcüstanın suveren vətəndaşları kimi ölkəmizin suverenliyi, müstəqilliyi və azadlığı uğrunda mübarizədə canlarından keçiblər.

Bu sözləri “Far.Az”un Gürcüstan bürosuna müsahibəsində gürcüstanlı politoloq, Suxumi Dövlət Universitetinin professoru Zurab Papaskiri söyləyib.

O vurğulayıb ki, azərbaycanlılar həm də Bakı ilə münasibətlərin möhkəmləndirilməsində körpü rolunu oynayırlar: “Bu gün Gürcüstanı azərbaycanlılarsız təsəvvür etmək mümkün deyil”.

Politoloq bildirib ki, bəzi insanlar Gürcüstanda hakimiyyət dəyişikliyi barədə düşünürlər:

“İstənilən dəyişikliklərin fonunda insanları maraqlandıran məsələlərdən biri də hakimiyyət dəyişikliyi baş verəcəyi təqdirdə Gürcüstanın qonşu ölkələrlə münasibətinin necə olacağıdır”.

“Lakin mən düşünürəm ki, Gürcüstanda hakimiyyətə kimin gəlməsindən asılı olmayaraq qonşu ölkələrlə, xüsusən də Azərbaycanla münasibətlər dəyişməyəcək”, – o qeyd edib.

O deyib ki, Gürcüstan – Azərbaycan dostluq münasibətlərinin qədim tarixi var: “Bu gün iki ölkə arasında əlaqələr strateji tərəfdaşlıq səviyyəsinə yüksəlib. Siyasi mövqeyindən asılı olmayaraq Gürcüstanda hakimiyyətə kim gəlsə bu münasibətlərə xələl gətirə bilməz. Buna gürcü xalqı imkan verməz”.

“Azərbaycan bizim yaxın qonşumuz, strateji tərəfdaşımızdır. Bizim xalqlarımız arasındakı əlaqələr qardaşlıq münasibətləri səviyyəsinə yüksəlib. Bunu heç kim poza bilməz” – professor vurğulayıb.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib