İran Hörmüz boğazında kommersiya gəmiçiliyini bir ay ərzində müharibədən əvvəlki səviyyəyə bərpa edəcəyini vəd edir.

"Far.Az"un "Reuters" agentliyinə istinadən verdiyi xəbərə görə, bu barədə İranın dövlət televiziyası məlumat verib.

Məlumata görə, Tehran ABŞ ilə qeyri-rəsmi çərçivə anlaşma memorandumunun layihəsini alıb.

Sənədə əsasən, Vaşinqton qoşunlarını İranın yaxınlığındakı bölgələrdən çıxarmalı və hərbi-dəniz blokadasını aradan qaldırmalıdır.

Hörmüz boğazından gəmiçiliyin idarə edilməsi İran tərəfindən Omanla əməkdaşlıq çərçivəsində həyata keçiriləcək. Sənəd hərbi gəmilərə şamil edilmir.

İran tərəfi öhdəliklərin yerinə yetirilməsinin "real yoxlanışı" olmadan heç bir addım atmayacağını vurğulayıb.

Sənəd hələlik qəti şəkildə təsdiq edilməyib. Əgər 60 gün ərzində razılaşma əldə olunarsa, o, BMT Təhlükəsizlik Şurasının məcburi qətnaməsi şəklində təsbit oluna bilər.

Memorandum ABŞ ilə İran arasında fevralda alovlanan münaqişədən sonra başlayan dolayı danışıqların nəticəsi olub. Mövcud məlumatlara görə, danışıqlarda vasitəçi rolunu Pakistan oynayır.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

MÜSİAD Azərbaycanla VİDAL Özəl Sənaye Məhəlləsi arasında memorandum imzalandı

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib