Bu il aprelin 1-nə Naxçıvan Muxtar Respublikasında fəaliyyət göstərən banklarında 432 105 bank hesabı olub.

"Far.Az" bu barədə Azərbaycan Mərkəzi Bankının (AMB) yerli idarəsinə istinadən xəbər verir.

Bu, 2025-ci il aprelin 1-nə nisbətən 72,2 % çoxdur.

Bank hesablarının 364 530-u cari, 65 463-ü kredit, 2 112-si isə əmanət (depozit) hesablarıdır. Bunlar isə illik müqayisədə müvafiq olaraq 99,7 % çox, 2 % az və 27,8 % çoxdur.

Bank hesablarının 4 323-ü hüquqi, 427 782-si isə fiziki şəxslərə məxsusdur. Bunlar isə 1 il əvvələ nisbətən müvafiq olaraq 19,5 % çox və 72,9 % çoxdur. Fiziki şəxslərin hesablarının isə 25 278-i fərdi sahibkarların hesablarıdır. Bu da illik müqayisədə 17,6 % artma deməkdir.

Bu ilin yanvar-mart aylarında muxtar respublikada 26 618 yeni bank hesabı açılıb ki, bu da 2025-ci ilin eyni dövrünə nisbətən 2,1 dəfə çoxdur. Yeni hesabların 206-sı hüquqi, 26 412-si isə fiziki şəxslərə məxsusdur. Bunlar isə 1 il əvvələ nisbətən müvafiq olaraq 24,5 % az və 2,1 dəfə çoxdur. Yeni açılan fiziki şəxslərin hesablarının 2 669-u fərdi sahibkarların hesablarıdır. Bu da illik müqayisədə 43,6 % artım deməkdir.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Heydər Əliyev Mərkəzində "Vəhşi təbiətin super qəhrəmanları" sərgisi açılıb

Azərbaycanın maliyyə sektoru 2024-cü ildə - İCMAL

Naxçıvanda 8 Noyabr - Zəfər Günü ilə əlaqədar şəhid məzarları ziyarət edilir

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN