Böyük Britaniyanın Baş naziri Kir Starmer bir neçə parlament üzvünün istefa ilə bağlı çağırışlarına baxmayaraq, qarşıdakı illərdə hökumətə rəhbərlik etmək niyyətində olduğunu bildirib.

"Report-un məlumatına görə, o, bu barədə "The Daily Mirror"a müsahibəsində bildirib.

"Mən həmişə milli dirçəlişin onilliyindən danışmışam. Bizə bütün istiqamətlərdə dəhşətli miras qaldı. Söhbət yalnız dağılmış iqtisadiyyatdan getmir. Dövlət xidmətləri məhv edildi. Vəziyyət əslində əvvəlcə düşündüyümüzdən daha pis idi. 10 illik dirçəliş layihəsi lazımdır", - o deyib. Starmer 2029-cu ildə keçiriləcək növbəti ümumi seçkilərdə leyboristlərə rəhbərlik edəcəyini bildirib.

Mümkün istefası ilə bağlı suala cavab verən Starmer Baş nazir vəzifəsindən ayrılmaq niyyətində olmadığını bildirib. "2024-cü ilin iyul ayında seçildiyim vəzifədən ayrılmaq niyyətim yoxdur", - o vurğulayıb.

Böyük Britaniyada mayın 7-də yerli özünü idarəetmə orqanlarına seçkilər keçirilib. Nəticədə, Leyboristlər Partiyası tarixində ilk dəfə olaraq Uels Parlamentinə nəzarəti itirib. Bundan sonra leyboristlərdən olan deputat Ketrin Uest kabinet üzvlərini Starmeri hakimiyyətdən uzaqlaşdırmağa çağırıb. Onun sözlərinə görə, Starmerin hökumətə və partiyaya davamlı rəhbərliyi leyboristləri növbəti ümumi seçkilərdə sarsıdıcı məğlubiyyətlə təhdid edir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Milli Məclisə seçkilərdə lider namizədlərin adları açıqlanıb - YENİLƏNİB