Bakıda motosikletin yerüstü piyada keçidinə çırpılması nəticəsində sürücü ölüb.

Bu barədə "Far.Az"a Baş Dövlət Yol Polisi İdarəsindən məlumat verilib.

Bildirilib ki, mayın 10-u saat 06:05 radələrində paytaxtın Xətai rayonu ərazisində motosikletçinin ölümü ilə nəticələnən yol qəzası qeydə alınıb.

Belə ki, 8 Noyabr prospektində hərəkətdə olan 99 M 279 nömrəli motosiklet yoldan çıxaraq yerüstü piyada keçidinin dayaq konstruksiyasına çırpılıb.

Yüksək sürət səbəbindən baş verməsi ehtimal olunan ağır yol-nəqliyyat hadisəsi nəticəsində Bakı şəhər sakini, 26 yaşlı Raul İsgəndərov hadisə yerində ölüb. Faktla bağlı cinayət işi açılıb, araşdırma aparılır.

Oxşar xəbərlər

Heydər Əliyev Mərkəzində "Vəhşi təbiətin super qəhrəmanları" sərgisi açılıb

Xətai rayonunda Heydər Əliyev Fondu tərəfindən yeni məktəb binası istifadəyə verilib

Bu gün paytaxtın 555 küçəsi yuyuldu

8 noyabr prospektində yağışın yaratdığı fəsadlar aradan qaldırılır

Payız-qış mövsümü ilə bağlı qrip əleyhinə vaksinasiyaya başlanılıb